Respublikamızın Göygöl rayonunun Tülallar kəndi ərazisində zəngin yataqlar aşkarlanıb. 80 ton qızıl, 250 ton gümüş eh-tiyatı hesablanmış bu yataqlarda hazırda uğurlu tədqiqatlar aparılır. Azərbaycan  Milli Elmlər Akademiyası Geologiya və Geofizika İnstitutunun və AMEA Rəyasət Heyəti Mərkəzi Aparatının innovasiya şöbəsinin əməkdaşları bu günlərdə yataqların vəziyyəti ilə yerindəcə tanış olmuş, müvafiq məsələləri müzakirə etmişlər.