КIелзавайбуруз! "Самур" - 20  |  2(249) 2012  |  «Самурдин» тешкилатдин комитет

Играми кIелзавайбур! Гатфарихъ ялзавай и йикъара «Самур» газетдин уьмуьрдин рикI шадардай, гьар са лезгидихъ дамах кутадай легьзеяр алукьзава. Квез хъсандиз чизвайвал, алай йисуз чна хайи газетдин 20 йисан юбилей къейдна кIанзава. Гьавиляй куьне редакциядиз зенгер ийиз, чавай мярекат тухудай югъ хабар кьазва. Са гафни  авачиз, куьнени чи коллективди хьиз, и югъ вилив хуьзва, юбилей хъсандиз тухун патал гьазурвилер аквазва. Икьван гагьди Азербайжандин шегьеррайни районрай, Дагъустандай, Россиядай, Туьркиядай, Германиядай, Украинадай, Къазахстандай ва маса уьлквейрай 400-дав агакьна кIелзавайбуру чаз юбилей тебрикнава. Тебрикар ракъурай вири ксариз разивал къалурзава чна. И делилди мад гъилера «Самур» халкьдин рикI алай газет тирди субутзава.
Играми кIелзавайбур! Куь тIалабун фикирда кьуна са варз вилик мярекатдин вахт ачухарзава чна. Юбилейдин мярекат 2012-йисан 18-мартдиз сятдин 1500-даз Бакудин Музыкадин Академиядин залда тухуда. Мярекатда иштиракиз кIанзавай-бурувай редакциядихъ галаз алакъа хуьн тIалабзава чна.

«Самурдин» тешкилатдин комитет.