Квез чидани? "Самурдин мектеб"  |  5(288) 2015  |  "Samur"
     Дегь девирра хьиз, исятдани лезги чилерал гзаф тIямлу ципицIарни кIерецар жезва. Юкьван виш йисара Ирандин ва араб уьлквейрин савдагарри лезгийривай и майваяр генани пара къачудай. Виш йисар алатнаватIани, чи ципицIринни кIерецрин къиметлу сортар квахьнавач. Агъадихъ чна абурун тIварар гузва.
     ЦипицIар: къереяр, муьгьуьрар, агъадаяр, цIегьрен мумар, кишмишар, дакIур ципицIар, къацу ципицIар, бияндин ни къведай ципицIар, чIулавбур, ириштаяр, чIулав агъа­даяр, гатунар, шамалгугуяр, муьштетар, нармаяр, хатмияр, цуру ципицIар ва мсб.
     КIерецар: акIаяр, экъетIаяр, кIвагъра кIуфар, къабанар, кьелечI хъиреяр, бицIекар, сакъуяр, шуькIвецар, кIуькIуьяр ва мсб.
 
                                                                                                                           * * *
     Дуьньяда аламатдин тарар ава: виридалайни зурба тар – эвкалипт (адан кьакьанвал 100-110 метрдив агакьда) Австралияда экъечIзава; виридалайни кIеви кIарасдин тар (ракьун тар ва я самшит) Къафкъазда экъечIзава; виридалайни кьакьан тар – секвоя Америкада ава, фан тарар Гьиндистандани Индонезияда, некIедин тар Бразилияда, къенфетрин тарар Гьиндистанда, Японияда ва Китайда ава.