Гуьмбет хкажна Хабарар  |  11(294) 2015  |  "САМУР"
     Гьар йисан  18-майдиз Дагъустанда лезгийрин чIехи камал­эгьли, Дагъустандин халкьдин шаир, XX виш йисан Гьомер СтIал Сулейманан поэзиядин сувар кьиле тухун адетдиз элкъвенва. Алай йисуз и сувар генани гурлуди хьана. 2015-йисан 18-майдиз Дербент шегьерда, С.Сулейманан тIварунихъ галай Гьукуматдин Лезги Драмтеатрдин вилик чIехи шаирдин гуьмбет ачухарна. И шад мярекатда Магьачкъаладай, Кьиблепатан Дагъустандин районрай атай мугьманри, Дербентдин агьалийри иштиракна. Им СтIал Сулейманаз икрам авунин лишан тир. 
     Гуьмбет лезги халкьдин кьегьал хва, Дербент шегьердин округдин кьил хьайи Имам Яралиеван куьмекдалди хкажна. Адан скульптор Дагъустандин халкьдин художник Гьейбат Гьейбатов я.