Метлеб гужлу ийидай гафар "Самурдин мектеб"  |  2(249) 2012  |  

Лезги чIала метлеб гужлу ийидай гафар гзаф ава. Абурукай акатайвал ваъ, чIалан къайдайрив кьадайвал менфят къачуна кIанзава. Агъадихъ чна са шумуд ихьтин гафар гьикI кардик кутазватIа къалурзава.
Агъзурра – За адаз агъзурра лагьайди я. (Яни гзафни-гзаф).
Вишра – Вич зал вишра гьалтзавайди я. (Яни зун адаз гьамиша герек къвезвайди я).
Чиляй-цавай – яни тадиз, са кIусни гежар тавуна.
Чилер-цавар ацIай кьван – яни лап пара (месэла, саламар).
КьейитIани – яни вуч авуртIани (гьикьван гьавалат хьайитIани).
Михьи-михьелай – яни тамамвилелди (месэла, хъфена).
Тварни амач – яни куьтягь хьана.
Буба сурай хтайтIани – яни вуч авуртIани, вуч гайитIани, вуж ракъурайтIани.