Мектебар эцигзава Хабарар  |  2(307) 2017  |  Гуьлхар ГУЬЛИЕВА
     Алатай йисуз райондин 4 хуьре цIийи мектебар эцигнава. Эспарасти ва Меске Ха­же хуьрера эциг­навай кьве гьавадин, гьарма сад 180 чкадинди тир мектебар кардик кутурдалай кьулухъ къунши хуьрерин аялризни кIелун регьят хьанва. 
     Чартепе ва Эрмеки хуьрера эцигзавай 132 чкадин мектебра крар тамамарзава. Зердаби посёлокда интернат мектеб гуьнгуьна хтуна гегьеншарнава. Ина алава дараматар, гьабурукай яз аялар ксудай цIийи дарамат ва маса объектар эцигнава. Зеркъова хуьруьн юкьван мектеб цIийи кьилелай гуьнгуьна хтунва. Алай йисуз мад са шумуд хуьре цIийи мектебар эцигда.
     Гьа ихьтин къайгъударвилин нетижа яз районда чирвилерин ерини хъсан жезва. Алатай йисуз 302 къубави жегьил институтрик экечIна. Абурукай 16-да 600-далай, 52 жегьилди 500-далай гзаф баллар кIватIна.
 
Гуьлхар ГУЬЛИЕВА