Кардик кутада Хабарар  |  6(311) 2017  |  САМУР
     Дербентда сифте  яз гьуьлуьн къерехда бульвар кардик кутада. Исятда ина эцигунрин крар тамамарзава. Кьиляй- кьилди тарар ва цуьквер цанвай цIийи бульварда абадвилер тухузва. Куьруь вахтунда 800 метрдин яргъивиле гьуьлуькай хуьдай цал эцигнава. Гьуьлуьз мукьувай килигун патал 3 майдан арадал гъанва.
Вичихъ 9 гектардин чилер авай бульвардиз жуьреба-жуьре фонтанри, ротондайри, аялар къугъвадай майданди, ветеранрин пипIи ва маса эцигунри ярашух гуда.   Ина гьакIни машинар хуьдай чка ва инсанар хилас ийидай  станция кардик кутада. Эцигунар тухузвайбуру къейд ийизвайвал, къадим Дербентдин бульвар ина ял ягъизвай чкадин агьалийрин ва мугьманрин рикI алай чкадиз элкъведа. 
 
Тамилла БЕКЕРОВА,
Дагъустан Республикадин
Дербент шегьер, муаллим.