РикIел хуьх! "Самурдин мектеб"  |  7(312) 2017  |  САМУР
     Чпихъ -ар, -ер хьтин эхирар авай ойконимрикай инсанар акъатай чкаяр къалуруниз къуллугъзавай цIийи гафар арадал гъидайла а эхирар гадар жеда. Идалай кьулухъ суффиксдин куьмекдалди гзафвилин кьадардин диб арадал хкида, ахпа -ви суффикс акалда: Грар - гириви; КIрар - кIириви; Кркар - киркиви; Хъукьар - хъукьиви, Чепер - чепиви, Усар - усуви, Ашар - ашиви; Филер - филиви; Хъуь­лер - хъуьлуьви, Макьар - макьиви; КьакIар - кьакIиви.
      Маса ойконимрикай цIийи гафар агъадихъ галайвал арадал къведа: КцIар - кцIарви; Фияр - фияви; Хьилер - хьиливи; Кьуьхуьр - кьуьхуьрви ва икI мад.
 
     ***
 
   Тешпигьрикай туькIуьр хьайи ва я чпин манадик маса гекъигун квай глаголар агъадихъ галайвал кхьида: пуьркьуьн (чуьнуьхун, масадан пул, шей); гаралай авун; япалай авун; тифтиф цавуз акъудун; тупIалай авун; хиритI авун; шандакьар авун; къечIин («гатун» лагьай манада); цацарал (ва я кикерал) хьун (гьазур хьун, месела, кикIиз); кьилера - кьил хьун;  кьил-кьилелай алатун; цавув агакьун (шад хьана, хвеши хьана); татугун; тар-мар хьун, вара-зара хьун, мука кьал эцигун (эвленмиш хьун); дердинай акъудун; чандивай авун; куьцIуьн (галатна бизар хьун); вагьтедай тефин; чIана; чIангьакьа ва мсб.
 
    ***
   
     Вансуз зайиф сесер абруп­тивралди агъадихъ галайвал эвез жеда: к-кI; т-тI; хъ-кь
     вак - вакIар
     вик - викIер
     мурк - муркIар
     нек - некIер
     ник - никIер
     рак - ракIар
     як - якIар
     вирт - виртIер 
     мет - метIер
     нафт - нафтIар 
     гьахъ - гьакьар
     уьфт - уьфтIер
     рат - ратIар
     рехъ - рекьер