РикIел хкана Хабарар  |  3(319) 2018  |  САМУР
     И йикъара Россиядин Илимрин Академиядин Дагъустандин Илимдин Меркездин ЧIалан, Эдебиятдин ва Медениятдин Институтда тIвар-ван авай лезги чIалан алим, филологиядин илимрин доктор, профессор, Дагъустан Республикадин лайихлу илимдин кIвалахдар Букар Талибов дидедиз хьайи 90-йисаз талукьарнавай мярекат кьиле фена.
     Институтдин директордин заместитель Борис Атаева, гьа илимдин карханадин кьилин илимдин кIвалахдар, филологиядин илимрин доктор Фаида Гъаниевади ва масадбуру Б.Талибован уьмуьрдин рекьикайни яратмишунрикай рахана. Букар Талибова лезги чIалан группадин чпихъ кхьинар авачир чIалар ахтармишунихъ, Дагъустандин чIаларин тарихдин фонетикадихъ, лезги чIалан гекъигунин фонетикадихъ, чи лексикологиядихъ пай кутуна. Ада чи машгьур алим Мегьамед Гьажиевахъ галаз санал милли гафарганар арадал гъун патал гьакъисагъвилелди зегьмет чIугуна ва 1966-йисуз санал «Лезги чIаланни урус чIалан словарь» чапдай акъудна.
     Букар Талибова чи сейли алим, профессор Унейзат Мейлановадихъ галаз санал туькIуьрай «Лезги чIалан баянар гудай словарди» Дагъустандин лексикографияда лайих­лу чка кьазва.