Чи ибараяр "Самурдин мектеб"  |  1(327) 2019  |  
Алидиз хух, дилидиз мух – гьар кас са жуьреда гъилиз къачун.
Баладикай чIугун – ферсуз веледдин дерт чIугун.
Бишидаз ван хьун – аламатдин кар хьун.
Буьркьуьдаз экв кIанзава – гьахъсузвал авуна, гьахъ тIалабзава.
Ван алачир далдам – хийир-шийирдиз бакара текъведай кас.
Вилер алахьун – къизмиш хьун.
Ви писпиди ахпа ванда – вун пашман жеда.
Винерай гуьн – а) кар алакь тийиз лавгъавал авун; б) багьачивал авун.
Вичихъ ялдай фекьи – анжах вичин хийирдихъ гелкъвезвай кас.
Гел квадарун – гьакъикъат чуьнуьхун.
Гум галачиз кун – гзафни-гзаф дерт чIугун.
Гъилин ван – лап хъсан куьмекчи.
Гьава хун – а) руьгьдай аватун; б) къуватсуз хьун; в) чими хьун.
Гьеллеяр авун – алцурун.
Дерди авун – жуван кар-кеспидихъ гелкъуьн.
Жанавур акур хеб – никай, квекай ятIани кичIе хьанвай кас.
Илисайди – чинеба зарар хкIурдайди.
Иеси кьадай кицI – вичиз хъсанвал авурдаз писвал хъийидайди.
Куьтягь тежер даллай – куьрелди талгьана яргъияр авун.
Къайи къван – садакни рикI кун тийидай кас.