Касбубадин хкетар "Самурдин мектеб"  |  3(329) 2019  |  
     Садра мад Касбуба вичин къуншидин кlвализ мугьман фенай. Кlвалин есиди адан вилик са къаб ацlай шурва эцигнай. Касбуба шурвадин кьеняй яlкун тике жагъуриз алахъна, амма са затlни жагъун тавурла вичин шалвардин кикер элкъуьриз эгечlна. Кlвалин иесиди мягьтел хьана хабар кьуна:
     - Вуна акl вучзава?
     - Заз хуьрекдикай якlун ни къвезва, амма тикеяр аквазвач, гьавиляй заз къапунин къенез гьахьиз кlанзава, белки абур къапунин кlане аватlа.
 
***
     Садра къуншиди Касбубадиз куьк са верч чрана суфрадал гъана. Касбубади верч тlуьна куьтягьиз кичlе хьайи кlвалин есиди адавай хабар кьуна:
     - Лагь кван верч дадлу яни?
     Гъавурда гьатай Касбубади жаваб гана:
     - Сифте за нен, ахпа  ваз жаваб гуда.
 
***
 
     Садра Касбубади кабаб чразвай, са вуч ятlани кlан хьана кlвализ гьахьай адаз хтайла вичин кабаб квахьнаваз акуна. Ада папавай хабар кьуна:
     - Ваз зи кабаб акунани?
     - Эхь, ам вечре чуьнуьхна, ахпа адал маса верчерни гьалтна ви кабаб тlуьна.
     - Заз ван хьайиди тир верчери як неда лагьана, амма шишер неда лагьай ван къе атана, - жаваб гана хъуьруьн кваз Касбубади.
 
***
     Садра Касбубадин патав хуьруьн къази атана вичин бурж хкlан хьана. Гьа и чlавуз Касбубадин паб кlваляй къецел акъатна:
     - Чан къази, къе чна Касбубадихъ галаз са ичин тар цана, пака адал ичер хьайила чна абур маса гана ви бурж вахкуда.
     Къазидик хъуьруьн акатна. Им акурла Касбубади лагьана:
     - Вун вучиз хъуьрезва, жуван бурж вахчуда лугьуз хвешизвани?