Рехъ тухузва Хабарар  |  9(335) 2019  |  САМУР
   Азербайжан Респуб­ли­кадин Президент Ильгьам Алиева 2019-йисан 17-апрелдиз кьабулай серенжемдив кьадайвал, КцIар район­да Чпир – Яргун – Мучугъ – СтIур рехъ тухун паталди крар давамарзава. И кардихъ авсиятда Президентдин игьтиятдин фондунай Азербайжандин Автомобилдин Рекьерин Гьукуматдин Агентстводиз 3 миллион манат пул ахъайнава. Икьван гагьди Чпир хуьруьз физвай 3,8 километрдин ва Мучугъ хуьруьз физвай 5,8 километрдин рекьер гуьнгуьна хтуна асфальт ягъанва. Виликандалай тафаватлу яз гила и рекьерин гьяркьуьвал 12 метр хьанва.
   Алай вахтунда КIур, ЧIехи Муругъ ва ТIигьир хуьрерай тIуз физвай 14 километрдин рехъ гуьнгуьна хутазва.  И кар паталди герек тир кьван техника чара авунва. Рекьин и чIук алай йисан эхирдалди тухвана кIанзава.