Ктабар цIийикIа кхьида "Самурдин мектеб"  |  3(340) 2020  |  САМУР
   Азербайжандин Министррин Кабинетди цIийиз тестикьарнавай умуми кIелунин карханаяр патал «Тарсунин ктабар, пособияр ва маса тарсунин методикадин такьатар гьазурдай къайдайри» гила вири чапханайриз, алакьунар авай вири авторриз тарсунин ктабар чапдай акъуддай мумкинвал гуда. Икьван гагьди талукь министерстводи тарсунин ктабар заказ гуз тендер тухузвай.
   Гила чара-чара чапханайривай кар алакьдай ксари кхьенвай ктабар чапдай акъудна, чпивай мектебрин директорриз теклифиз жеда. Абуруни еридиз килигна тарсунин ктабар хкяда. Министерстводивай са касдизни вуна тарсунин ктабар кхьимир лагьана къадагъа эцигиз жедач. 
   Ихьтин къайдадикай къецепатан уьлквейри фадлай менфят къачузва. Азербайжанда ам сифте яз кардик кутада. ЦIийи къайдади гьам тарсунин ктабрин ери хъсанардай, гьамни мектебар гьар йисуз цIийи ктабралди таъминардай мумкинвал гуда.