ГьикI кхьида? "Самурдин мектеб"  |  3(348) 2021  |  САМУР
    Кьвед ва я гзаф слогрин теквилин кьадардин эхирра ачух тушир сесер авай дибрихъ (далдам-далдамар, чукIул-чукIулар) ва гьакIни чеб са слогдин, чпин дувулдик а, у, о сесер квай существительнийрихъ -ар эхир акал жеда: вах-вахар, гум-гумар, стол-столар.
    -яр эхир чеб ачух сесералди ва гакIни теквилин кьадарда й гьарфуналди куьтягь жезвай существительнийрихъ акал жеда: тахта-тахтаяр, диде-дидеяр, пIини-пIинияр, тай-таяр, чай-чаяр, пай-паяр.
    -ер эхир теквилин кьадарда чпин дувулдик и, уь, е(э), я сесер квай са слогдин существительнийрихъ акал жеда: вил-вилер, гьуьл-гьуьлер, кьеб-кьепIер, сят-
сятер.
    -лар, -лер са бязи существительнийрин гзафвилин кьадардин эхиррихъ акал жеда: дагъ-дагълар, сел-селлер, чуьл-чуьллер.