Чи бубайри лагьанай "Самурдин мектеб"  |  3(348) 2021  |  САМУР
• Агъдин са кьил лацу, са кьил чIулав жедач.
• Ажалдиз мажал авач.
• Ажуз ламрал кьвед акьахда.
• Акьулсуз дустунилай акьуллу душман хъсан я.
• Аялри гъвечIи чIавуз ахвар атIуда, чIехи хьайила – кьарай.
• БалкIанар гзаф дегишрайди эхирдай залпанддин иеси жеда.
• Бахт кIанзаватIа, инсанар кIан хьухь.
• Бахтунин рехъ яргъи жеда, уьмуьр куьруь.
• БалкIандиз дуст хьиз килиг, адал душман хьиз акьах.
• Балкlан кьейила, пурар амукьда, итим кьейила тIвар.
• Буба амачирди садра етим я, диде амачирди иридра.
• Бубадин бармак хциз кутугдач.
• Бубадин вилериз аквада, дидедин рикIиз.
• Бубади тIуьр хутари хцин сив рутIурда.
• Буьркьуьдан мурад экв я.
• Вад чIулав йикъахъ са экуь югъни жеда.
• Ватандин къадир гъурбат акурдаз чир жеда.
• Вахтуни къумадикайни къван ийида.
• ВацIуз улам чирна гьахь, кьуьлуьник макьам чирна экечI.
• ВацIун рикIелай булахар фида, гьуьлуьн рикIелай – вацIар.
• Вилериз такурди рикIизни аквадач.
• Вири рекьер сурара куьтягь жезва.