«Квахьай йикъарган» ЦIийи фильм  |  8(353) 2021  |  САМУР
    Dидед чIалал рикI алай хайибур!
    Чаз виликай къвезмай 2022-йисан вилик куьн шадариз кIанзава. Лезги чIал хуьн, ам вилик тухун патал кьилиз акъуднавай чIехи проект – «Квахьай йикъарган» квев агакьарзава чна. Дидед чIалаз чIехи кIанивал аваз арадиз гъанвай и фильмди куь рикIериз эсердайдан чIалахъ я чун. Алатай асирдин 60-70-йисарин лезгийрин ацукьун-къарагъуникайни абурун фикир-фагьумрикай, чи халкьдин къилихрикайни адан руьгьдин алемдикай, а чIаван мектебда кьиле фейи крарикай ихтилатиз, а девирдин вакъиаяр квев агакьариз алахъна чун. 
    Проект арадиз гъанвайди Седакъет Керимова я. Вичин «Квахьай йикъарган» романдин бинедаллаз, вичин харжидалди чIугунвай и фильмдин продюсер, сценарийдин ва музыкадин автор хьиз адаз лезги аялрин алакьунар винел акъудиз кIан хьана. КцIара ва адан хуьрера вишералди аялрихъ галаз кIвалахна арадиз гъайи и проектдалди дидед чIал шегьредиз акъудиз алахъай  адан къаст и фильмдалди дуьньядин лезгийрин арада руьгьдин муьгъ туькIуьрун, чи ватанэгьлияр агудун хьана. Фильм арадиз гъун патал и кардик къуьн кутур кцIарвийриз рикIин сидкьидай сагърай лугьузва чна. Фильмдин премьера «Sedaget Kerimova» YouTube каналда 30 декабрдиз сятдин 20-даз кьиле фида. 
 
"САМУР"