Аламатдин карханаяр Хабарар  |  3(262) 2013  |  "Самур"

Россияда гила са маса жуьредин карханаяр арадал къвезва. Уьлкведин чIехи шегьерра исламдин ва чувудрин банкар, поликлиникаяр, магазинар кардик кутазва. ЦIийи карханаяр чкадин агьалийри гзаф хушдаказ кьабулзава. Вучиз лагьайтIа и карханайри тек мусурманризни чувудриз ваъ, гьакIни амай вири агьалийриз къуллугъзава. Абурун магазинра маса гузвай затIарин ери вини дережадинди ва къиметар ужуз я. Поликлиникайра лап хъсан пешекарри кIвалахзава. Банкари кредит кьил алаз гузвач. ЦIийи карханайри гьам Россиядин, гьамни чпин динрин къанунрив кьадайвал кIвалахзава.