Чи аялар патал "Самурдин мектеб"  |  6(265) 2013  |  “Самур”
    Аялар чи уьмуьрдин экв я, гележег я. Абур гьикьван сагъламдиз, гьикьван акьуллудиз ва чирвилер аваз чIехи хьайитIа , чи гележегни са гьакьван экуьди жеда.  Чна чи гележегдин даяхриз зегьмет вуч ятIа, хайи чIални хайи чил гьикI хуьдатIа аялзамаз чирна кIанзава. Абурун кьилелай диде-бубадин тавази алудна кIанзавач. Гьа ихьтин къайгъударвал фикирда аваз «Уьфуькъ С» тешкилатдини «Самур» газетдин редакцияди «Лезги чIал чирин» тIвар ганвай кIватIал чапдай акъуднава.
    Играми аялар! И ктабдин куьмекдалди квевай лезги гьарфарни гафар дуьз кхьиз жеда. Ина квез кIани шикиларни ганва. А шикилриз гьихьтин рангар ягъана кIанзаватIа фагьумна, кардив эгечI! 
    КIеве акIайтIа, диде-бубайрин,  чIехи вахаринни стхайрин куьмекдикай менфят къачу. Гьа икI авуртIа, квекай хайи чIалал рикI алай, ам хуьдай женгчиярни жеда.
 
«Уьфуькъ С»
«Самур»