РикIел хуьх! "Самурдин мектеб"  |  6(265) 2013  |  
   Гафар дуьз кхьин патал абурун формайра сесерин нубатар чир хьана кIанзава. ЧIала са гафунин кьилдин формайра сесер гагь садбур, гагь масадбур хьуниз нубатар лугьуда.
   I. Ачух сесерин нубатар:
   а) и - е(э): вегьин - вегьемир; кьежин - кьежей;
   б) уь - е(э): уьцIуьн - уьцIвей; регъуьн - регъвез;
   в) у - а -и: галкIун - галкIай - галкIиз; хкун - хкай - хкиз;
   г) у - а: атIун - атIай; атун - атай;
   д) и - а: дигин - дигай.
   II. Ачух тушир сесерин нубатар:
б - пп: гъаб - гъапар;
г - кк: мег - мекер;
д - тт: гад - гатар;
б - пI: кьеб - кьепIер;
гъ - къ: легъв - лекъвер;
ж - чч: раж - рачар;
з - цц: къаз - къацар.
Вансуз зайифбур абруп-тивралди эвез хьун:
к - кI: вак - вакIар;
т - тI: вирт - виртIер;
хъ - кь: гьахъ - гьакьар.
Вансуз зайифбур вансуз гужлубуралди эвез хьун:
к - кк: кек - кикер;
п - пп: туп - тупар;
т - тт: вахт - вахтар;
хъ - къ: хъвехъ - хъуькъвер;
ч - чч: карч - крчар.
Ачух сесерин нубатар - анжах глаголра ва ачух туширбурун анжах существительнийра кьиле физва.