Диде "Самурдин мектеб"  |  10(269) 2013  |  Сара ГЬАСАНОВА

Заз чидачир  залан тирди ви парар,
Чи дердияр вуна текдиз чIугвадай.
Йисар финвай зун йиферихъ цIигел я,
Са геренда вун ахварай аквадай.

Вун чирагъ хьиз кудай чахъди датIана,
Анжах залай ви гьунарар алакьдач.
Вун гьазур тир рикI акъудна вугуз чав,
Ви гелерив зун садрани агакьдач.

Заз уьмуьрди басрух гайла арада,
Са чIиб чилихъ цIигел жеда къекъведин.
Виридакай вил атIайла дуьньядал,
Заз руьгьдивай куьмек кIанда дидедин.

Сара ГЬАСАНОВА,
КцIар райондин Яргун хуьруьн
юкьван мектебдин муаллим