Чи бубайри лагьанай
Акьул жуван кьиле кIанда. Къелемдалди кхьейди якIувай атIуз жедач. Агъдин са кьил лацу, са кьил чlулав жедач. Ажалдиз мажал авач. Ажуз ламрал кьвед акьахда. Акьулсуз дустунилай акьуллу душман хъсан я. Акьулсуз кьил гваз къекъвезни кьезил я, хкажизни - регьят. Аял – кьепIинамаз, дана – епинамаз. Аялри гъвечIи чIавуз ахвар атIуда, чIехи хьайила – кьарай. Агъдин са кьил лацу, са кьил чlулав жедач. Ажалдиз мажал авач. Ажуз ламрал кьвед акьахда. Агъдин са кьил лацу, са кьил чlулав жедач. Ажалдиз мажал авач. Ажуз ламрал кьвед акьахда. Акьулсуз дустунилай акьуллу душман хъсан я. Акьулсуз кьил гваз къекъвезни кьезил я, хкажизни - регьят. Аял – кьепIинамаз, дана – епинамаз. Аялри гъвечIи чIавуз ахвар атIуда, чIехи хьайила – кьарай. БалкIанар гзаф дегишрайди эхирдай залпанддин иеси жеда. Бахт кIанзаватIа, инсанар кIан хьухь. Бахтунин рехъ яргъи жеда, уьмуьр - куьруь. Балкlандиз дуст хьиз килиг, адал душман хьиз акьах. Балкlан кьейила, пурар амукьда, итим кьейила - тlвар. Бармакар алай кьванбур вири итимар туш. Буба амачирди садра етим я, диде амачирди – иридра. Бубадин бармак хциз кутугдач. Бубадин вилериз аквада, дидедин - рикIиз. Бубади тIуьр хутари хцин сив рутIурда. Буьркьуьда буьркьуьдаз рехъ къалурда. Буьркьуьдан мурад экв я. Вад чIулав йикъахъ са экуь югъни жеда. Ватандин къадир гъурбат акурдаз чир жеда. Вахтуни къумадикайни къван ийида. ВацIуз улам чирна гьахь, кьуьлуьник макьам чирна экечI. ВацIун рикIелай булахар фида, гьуьлуьн рикIелай – вацIар. Вилериз такурди рикIизни аквадач. Вири рекьер сурара куьтягь жезва. Халкьдик умуд кутурди симинилай фида. Хъсанвал авуна гьуьлуьз вегь, ам гьанайни ахкъатда Хъсанвал кьилиз балани жеда. Хъсанвал къадир чидайдаз ая. Хъсанвал хъсанвилиз къведа. Хъсанвилелай хъсан затI хъсанвал я. Хъсанвилиз писвал ийимир. Хъсанвилиз хъсанвилив жаваб гун гьар са касдин буржи я. Хъсанвили хер сагъарда. Хъсанвал рикIелай ракъурмир, писвал рикIел хкимир. Хъсанвал авурдаз лапIаш вегьимир. Хъсанвал гьарада жув патал ийида. Хъсанвал цанвай ник хьиз я: вири тумари цIир ахъайдач. Хъсанвилин эхир писвал тахьуй. Хъсанвал авун илим я, ам гьар касдилай алакьдач. Хъсанвал квахъ тийидай девлет я. Хъсанвал къехуьнармир. Хъсанвилив агата, писвиликай къакъата. Дуьз гаф туькьуьл жеда. Дуьз гафуни рикIяй тIеквен акъудда. Дуьзвал хъсан я, дуьзенавал ваъ. Дуьзвал инсанрилай аслу я. Дуьз кас завалдик акатда. Дуьзвилин кьилел къал жеда. Дуьз инсандихъ тапарар акатдач. Мал-девлет квадарайтIани, дуьзвал квадармир. Дуьз рекьяй фейидан кIвач галкIидач. Дуьзвилив чIугур муьгъ чкIидач. Дуьзвили девлет тагъайтIани, гьуьрмет гъида. Вуна дуьзвал хуьх, дуьзвили вун хуьда. Дуьнья гурар я, сад акьахда, сад эвичIда. Дуьньядал сад хъсанвал, сад-ни писвал амукьда. Усал яз амукьдалди викIегьвилелди рекьин хъсан я. Лезги намусди ре-кьида, цIегь чумахъди. АтIай фу кукуриз жедач. Гъам рикIел тамир. Гъам рикIел тамир. Акъатай йикъахъ шехьмир. ЧIехиди авачтIа, чIехи къванцел алукьа. Деве Меккедиз финалди, адакай гьажи жедач. Гъуьлягъди вичин тум атIайди рикIелай алуддач, хци вичин буба кьейиди. Душмандихъ галаз душманвал ая. Душман вуна те-кьейтIа, ада вун рекьида. Акьул-чирун лагьай чIал я. Акьулдиз къуллугъ ая. Гьар кицIихъ галаз кьил кьамир. Кесиб рекьидайла, фекьи азарлу жеда. Дуст кьван душман ава. Душман текьенамаз, кIвалах тавунамаз алатдач. Ахпа жедай меслятдилай виликамаз жедай дяве хъсан я. Сивиз тIапIар ягъа, кьил саламат амукьрай. Гъам чIугуртIа, дагъни уьцIуьда. Гзаф тIуьрла, виртни цуру жеда. Гъуцаривай чIуриз тахьай кIвал ичкиди чIурда. Гъуьлни паб са викIиник квай яцар я. Гъуьлни паб са ичинин кьве пад я. Гъуьр кIатIа, гъуьл - кIвале. Гъуьлуь гъуьлвал, хъуь-тIуь кьуьдвал авуна кIанда. Гъуьлуьн гаф папан, папан гаф гъуьлуьн туьтуьнлай фена кIанда. Гьар са инсан эвел жуван кIвале эквдай чирагъ жен. Гьар са кIвале вичин кьифер жеда. Кал кIвалин булах я. Гьар са хуьре са абдал жеда. Жувакай буба тахьанмаз бубадин къадир чир жедач. Жуван гъиле авай лаш тIурар алаз аквада. Жуван мехъер туна, къуншидин мелез фимир. Жуван кIвалин кIан эгъуьндайбур жуван кIваляй акъатда. Жуван къулав виридалайни къулай я. Иблис акатна - хуьр чIур хьана. Имидин кIвале неъ, халудин кIвале ксус. Ички хъваз кIан хьайила, къекъверагдизни пул жагъида. Ички хъвайидаз вич бег хьиз жеда. Кандуда гъуьр авайдан гурмагъдай гум кими жедач. Туькьуьлди тIуьн тавуртIа, верцIидини чир жедач. Вад чIулав йикъахъ са лацу югъни гала. Гьикьван хвейитIани, жанавур тамуз килигда. Еке ич тарал аламукьдач, иер цуьк - хилел. Са чIунукай гъал жедач, са тарцикай - там. Чарадан кIусунал чIехи хьайидан чин хъурхъунди жеда. Чарадан къуьлуьн фалай жуван чIатI хъсан я. Душмандиз гардан кIирдалди кьиникь хъсан я. Рехъ тефенмаз куьтягь жедач, кIвалах - тавунмаз. Вахтуни вири кIвалахар чирда. Захадай сад акъатда, минтикьдай - кьвед. Катран мука кард жеда. Гурмагъдай гум акъат тавуна амукьдач. Кlанивал тахьуй, жеривал хьуй. Къамбут къванцик шехьда. ИситIа акуна элгьэм рикIелай алатна. Хуьруьн ферлуд рекьинлай, кIвалин ферсузди кьирай. Гьар вацl гьуьлуьв агакьдач. Авайла, вилер яру жеда, авачирла - чин. Авачирвиликай гъуцарни бизар я. Ажал агакьай кицIи иесидин шаламар жакьвада. Ажуз ламрал кьвед акьахда. Ажуз ламрал пуд рипе, йигин шиврел прун гьебе. АскIан дагъдизни жив къвада. Жуван кlвалин кlан эгъуьндайбур жуван кlваляй акъатда. Къав алачир кlвализ къванер вегьида. Вилерин кьатlунрилай рикlин кьа-тlунар гужлу я. ЧIехи тарцихъ чIехи хъенни жеда. Гъил ичIидан мез куьруь жеда. Къакъраяр - къазранбур, какаяр - нуькIренбур. Дагъдизни далу кIанда. Дувул галачир тар ярх жеда. КIавузардал атай ракьуна кIашар акьада. Ягъай хьел кьулухъ элкъведач. Виридакай хкатай дагъ лацу жеда. Уьмуьрни куьтягь жеда, кIвалахар куьтягь жедач. Кар авурди крарин, кар тавурди гафарин иеси жеда. Жуван ирид аквадач, къуншидин сад аквада. Ламраз пурар ягъуналди адакай шив жедач. Виридалайни четин кар ахмакь гъавурда тун я. Рикl дар тахьайтlа, дуьнья дар жедач. Аллагьди кхьейди бендедивай чIуриз жедач. Шаир виринра шаир я, пачагь са анжах вичин вилаятда. Вацl гьикьван яргъи хьайитlани, а кьил гьуьл я. Нисинилай экъечIай Ракъини чим гудач. Харчи гатайдал марфадин тIям жедач. КIандайда гаф вилеривни лугьуда. КIанидаз гьуьрмет пара жеда. Яд вацIун кьиляй рагъул жеда. Ялдай яцрал тIвал элягъда. Яцраз вичин крчар залан туш. Кард ацукьай чкадал цIакул аламукьда. Квак ичин къенез ягъада. Гьардаз жуван муг кIанда. Буба кьейила, хва тух жеда. ВацIу гъайиди квасади кьада. Вил вилихъ муьгьтеж тахьуй. Вилиз аквада, рикI дакIвада. Кесиб патал кьуьд завал я. Ери течирдаз агъни атIлас я. Хизан хиве авайдан кIула пуд несил жеда. БалкIан хьайила, лиэн жагъида. Бурж квайди балкIандал, бурж вугайди яхдиз жеда. Гьардаз вичин рикI тирвал гуда. Далдамди ван авун къен бушвиляй я. Жувахъ авачир затI масадавай жагъидач. Зуьрне ядайдахъ зилчини хьана кIанда. Кар чIур хьайила, хешилдини сас хада. Къуьл кьуруди кIанда, регъвни - дириди. Къуьрезни асландиз са ракьар эцигдач. Дуст - чинал, душман - кьулухъай рахада. Чинал чин чуьхуьдайдавай, кьулухъай дабан атIудайдавай яргъа хьухь. Белиждиз тефейда Семеркъенд-дикай хабар гуда. БалкIандилай эвичIна ламрал акьахмир. Меци датIайди гапурди атIудач. Ажал агакьай кицIи иесидин шаламар неда. Пака лагьай миргихъ тум хьайиди туш. Гзаф къекъвейдавай ваъ, гзаф акурдавай хабар яхъ. Халкь патал лагьай гафуни халкьдиз къуллугъда. КIел авурдан сиве мез жеда, гъиле - яракь. Вичин мукал хьайила пехърени лекь гатада. Ватандивай хьайиди чандивай жеда. Диде рикIин экв, буба уьмуьрдин рекIв я. Бубади кьилиз акъуд тавур кар хцин хиве гьатда. Буба хайиди, диде хайиди, кьисмет гайиди я. Бубадин кар хтулрини штулри давамарда. Бубадин рикI хтулди хуьда. Дидеди крар ийиз, бубади абур кьилиз акъудиз чирда. Дидедиз хцин гьунар фад акваз кIан я, бубадиз гьар береда. Дидедин чимивал садавни гвайди туш. Бегьем хци бубадин бармак вилера твадач. Хъсан рухвайри пис бубайрин гъалатIар тикрар хъийидач. Бубадин бармак вилера твамир. Аялдиз вичин бубадлай зурба кас авач. Бубадин мал-девлет вара-зара ийидай ва диде кlваляй акъуддай хва намуссуз я. Уба течирдаз бубани чир жедач. Берекат бубадин, марифат дидедин кlвачихъ я. Бубадилай хай рахамир, хару яда. Дидеди велед руфуна хвена, веледди рухунал. Буба кьейиди садра, диде кьейиди иридра етим я. Акьул авай кьил – ацIай къаб, авачирди буш къаб я. Акьул авай кьил хазина я. Акьул авайдаз кавхадикай кичIе жедач. Акьул бармакда ваъ, кьиле жеда. Акьул бахтлувилин сад лагьай лишан я. Акьул булах я: адай даим хъваз жеда. Акьул буржуна вугуз жедач. Акьул галачир бахт са куьнизни герек туш. Акьул гвайдаз рахадай чка чида. Акьул гуз регьят, къачуз четин затI я. Акьул жуван кьиле кIанда. Акьул инсандин абур я. Акьул квахьна – рехъ какахьна. Акьул куьруьдан мез яргъи жеда. Акьул къизилдин таж я. Акьул къуватлудан, амал зайифдан яракь я. Акьул тIимил хьайитIани жуванди хьуй. КIвенкIве фагьум ая, ахпа рахух. Илимдин дагъ ярхар жедач. КIелун вилериз экв акун я. ГъалатI квачир дустунихъ къекъвейди ялгъуз амукьда. Вилиз такур кардихъ агъамир. ВикIегь инсандин хурук дагъларивайни давам гуз жедач. Халкьдин гаф кьегьалри кьилиз акъудда. РикIяй тадай кар, гъиляйни къведач. Тарих хвейи халкь рекьидач. Дагъдин бахт кьакьанвал я. Гьахъ гафуни вацI акъвазарда. Алакьунар авачирда цавуз къван гуда. Вахтуни гьар са затIунин ранг дегишарда. БалкIанар гзаф дегишардайди эхир залпанддин иеси жеда. КьатIайдалай кьатун тавурди пара я. Къуват амай кьван кIвалах ая, вилер амай кьван кIела. КIалубдай акъатайди фад кIапи-кIапар жеда. Амукьдайди карни тIвар я. Виридалайни чIехи алакьун инсан хьун я. Дегьне вацI ван алачиз авахьда. Илим чирун халкь хуьнив сад я. Алакь тийир кардик экечIмир. Лекьрез цавун кьакьанвиликай кичlе жедач. Къастунал кIеви хьухь. Чирвилер къачу, акьул кlватlа. Жуван алакьунар ватанда къалура. Алакь тийир кар хиве кьамир, хиве кьурди кьилиз акъуд. Гъилевайди ахъайна, цававайдахъ калтугмир. Вишра алцума, садра хкатIа. Акьул кIанзаватIа, кIела. Экв гун патал кана кIанда. Гзаф яб це, тIимил рахух. Жуваз такIан кIвалах масадазни мийир. КIанивал къалура, дакIанвал чуьнуьх. Вуна дуьзвал хуьх, вун дуьзвили хуьда. И дуьньядиз инсанар гзаф къвезва, амма вири инсанар яз хъфизвач. Ватан кьегьалри хуьда. Къастунал кIеви хьухь. Хайи чIалан тIеам масад я. ВацIухъ галаз гьуьжетар кьурди вацIалай гужлу хьана кIанда. Алимдин са югъ авамдин вири уьмуьр­дилай багьа я. Вахтуни вири кIвалахар чирда. Илимдин кьил акьул я, акьулдин кьил - зегьмет. Бубадин бармак вилера твамир. Уба течирдаз бубани чир жедач. Аялдиз вичин бубадлай зурба кас авач. Берекат бубадин, марифат дидедин кlвачихъ я. Бубадилай хай рахамир, хару яда. Дидедин чщарар веледри рехи ийида. Диде рикIин экв, буба уьмуьрдин рекIв я. Бубади кьилиз акъуд тавур кар хцин хиве гьатда. Буба хайиди, диде хайиди, кьисмет гайиди я. Бубадин кар хтулрини штулри давамарда. Бубадин рикI хтулди хуьда. Дидеди крар ийиз, бубади абур кьилиз акъудиз чирда. Дидедиз хцин гьунар фад акваз кIан я, бубадиз гьар береда. Дидедин чимивал садавни гвайди туш. Гьакъикъатдиз къван гумир. Вичелай кар алакь тийидайди цаварай рахада. Илим акьул­дин экв я. Чирвилер къачузвайдан гьар са югъ са уьмуьр я. Гъурбатдин диганвай женнетар вири Ватандин чкIанвай са къванцихъ галач. Халкь аватIа, кьегьаларни жеда. Зегьмет акьалт тавуна, са карни арадал къведач. Хъсанвилихъ хъвер жеда, писвилихъ - хер. Гъурбатдиз акъатайди ватандихъ шехьда. Шаирдиз секин уьмуьр жагъидач Зегьмет чIуг тавуна, са карни арадал къведач. Бегьем итимди дустар кьадач, адаз дустар жагъида. Шаирдиз секин уьмуьр жагъидач Бегьем хци бубадин бармак вилера твадач. Тарих хвейи халкь рекьидач. КIелун - экуьвал, кIел тIавун - буьркьуьвал я. Гафунин кIвалахар турунивай жедач. Вири таб я, илим - гьахъ. КIел тавур кас бегьерсуз тар хьиз я. Алимрини шаирри халкь сейли ийида. Чирвили вацI акъвазарда. КIел тавур кас бегьерсуз тар хьиз я. Кlел тавурди мез аваз лал я. Чирвилери вири ракlарар ахъайда. Чирвилер акьулдин вилер я. Инсандин девлет адан чирвилер я. Кьел гьардан жуван рикlик кlанда. Чирвал виридалайни чlехи девлет я. Чирвал виридалайни чlехи девлет я. Акьулни гуж стхаяр я. Чирвилерихъ галаз къведай шив авач. Алимдин са югъ авамдин са уьмуьрдилай къиметлу я. Гзаф чир хьайила, инсан къуватлу жеда. Гзаф чир хьайила, инсан къуватлу жеда. Жуван халкьдиз лайихлу хьун бахтлувал я. Вичелай кар алакь тийидайда кьисметдикай багьна кьада. Авайвал лагьайла, кьил тIар жеда, талгьайла - рикI. Авайвал лагьайла, кьил тIар жеда, талгьайла - рикI. Михьи амалри инсан хкажда. Хъсан гафуни дуьнья экуь ийида. Халкьдин кардик къуьн кутун кьегьалвал я. Кьегьалдин руьгь рекьиз жедач. Хайи чlалан тlеам масад я. Чи чlала чи тарихар хвенва. Чlал квадарайдан ял атlуда. Чlал хвейида эл хуьда. Рахардавай чIал жеда, эгъуьнирдавай накьв. Чlал такlандаз халкь кlан жедач. ЧIал акьулдин булах я, акьул - чIалан дамах. ЧIал халкьдин девлет я. ЧIал хвейида ватанни хуьда. ЧIал куьтягь тежедай амарат я. ЧIалан къадир авайдаз элдин къадирни жеда. ЧIал рикщин куьлег я. Хайи чщал бахтни я, тахтни. ЧIал халкьдин виридалайни багьа эменни я. Хайи чщалав къведай нямет авач. ЧIал акьулдин булах я, акьул - чIалан дамах. Чил хуьх, чIал хуьх, тIвар хуьх. Дидед чIал виридалайни ширин я. Дидед чIал тийижир инсан чIехи бахтуникай магьрум я. Дидед чIал эбеди япара авай лайлай я. Хайи чIал хуьн кьегьалвал я. Жуван чIал усалармир. ЧIал тийижирдаз дидени чир жеч. Хайи чIал инсандин къуват я. ЧIал хвейида элни хуьда. Жуван чIалак рехне кутамир. ЧIал рахайла иер я. Хайи чIалав къведай нямет авач. Хайи чIал инсандин къуват я. Къуватдилай акьул гужлу я. Кьегьалди халкьдин, халкьди ватандин тIвар хкажда. Женг - викIегьвал лигимардай чад я. КIелун вилериз экв акун я. Эвер тавур чкадиз фимир, фейи чкада акъвазмир. Дувул галачир тар ярх жеда. Деведин кIуф хъуьтуьлди я, амма цацар неда. Деведин кIуф хъуьтуьлди я, амма цацар неда. Кукраз багьа кIарас кIан жеда. ГъалатI квачир дустунихъ къекъвейди ялгъуз амукьда. ГъалатI квачир дустунихъ къекъвейди ялгъуз амукьда. РикIиз вилерилай фад аквада. Хъсанвал садални меслят тагъана ая. Залпанд алачир меци кьил тIарда. КIамбурдал акьалтай шапIадиз къуьр ахквадач. Буьркьуьда буьркьудаз буьгьда. Вилиз такур кардихъ агъамир. ТIуьрди хьиз, иливарни авуна кIанда. ЧIижрев агатайди цуькведа жеда, вакIав агатайди - кьарада. Ахпа жедай меслятдилай гила жедай дяве хъсан я. Туьнт инсан фад кьуьзуь жеда. Вуна дуьзвал хуьх вун дуьзвили хуьда. ТIвар хвейиди тара жеда, квадарайди вара. Кьегьалвал са куьнивни гекъигиз жедач. Хъсан карди хъсан бегьер гуда. Хъсан ич таралай фад аватда. Илим чирна алим хьун чIехи кьегьалвал я. Алакь тийир кар хиве кьамир, хиве кьурди кьилиз акъуд. Жуван алакьунар ватанда къалура. Агалкьунар патал йисаралди зегьмет чIугуна кIанзава. Гаф адан къадир авайдаз лагь. Рехъ яргъал хьайитIани, дуьзди хьурай. Кьегьалар чпин краралди чир жеда. Жуван халкьдиз ла­йихлу хьун бахтлувал я. ЦIай жуван къула кIанда. Илим ризкьи я, адахъ вири цIигел я. Кьегьалри халкьдин уьмуьрдиз экв гуда. Гьулдан винелай хада, инсан къеняй. Я фак кьел кIанда, яни жувак. Жуван алакьунар ватанда къалура. Садрани жуваз гзаф чида лугьумир, валайни гзаф чидайбур ава. Чирвал дамахни я, даяхни. Рехъ яргъал хьайитIани, дуьзди хьурай. Халкь вичин кьегьалралди чир жеда. Цан цазвай магъв муьрхъуь кьадач. Риб акат тийидай чкадик гаф агатда. Илим чирун халкь хуьнив сад я. Душман валара, дуст пурара жеда. Зегьметди инсан къалурда хъсан. ВикIегь инсандин хурук дагъларивайни давам гуз жедач. Аслан хьтин итимдиз цегв хьтин душман тахьуй. Гьулдан винелай хада, инсан къеняй. Вичиз муьгъ тийидайда халкьдиз мискIин ийидач. Инсан рекье-хуьле чир жеда. Тар ярхариз кIанзаватIа, дувулар атIутI. Хизандикай санални хай рахамир. Цавук гурар кутамир. ЦIунни вацIун арада гьахьмир. ЦIухъни вацIухъ галаз гьуьжетармир. ЦIухъни вацIухъ галаз гьуьжетармир. Кард мукалай элячIдач. Игитдин хер хурал жеда. Кьегьалдиз четинвал лайихлу сенгер я. Халкьдихъ умуд кутурди симинлай фида. Бегьем итимди дустар кьадач, адаз дустар жагъида. Душман валара, дуст пурара жеда. Бегьемсуз дуст жедалди тек амукьун хъсан я. Пулди инсан балкIандални акьадарда, ламралайни вегьида. ЧIехиди авачир кIвале берекат жедач. КIвалах тавур пер муьрхъуь кьада. Хъел анжах дуствилив арадай акъудиз жеда. Хъел зайифбурун алакьун я. Нисинлай атай ракъини чими ийидач. Ракъининди гуьне я, циферинди - дере. Са чIунукай гъал жедач, са тарцикай там жедач. Тади квай вацI гьуьлуьв агатдач. РикI дар тахьайтIа, дуьнья дар жедач. Хъсан кIвалахдин жафа квахьдач. Хъсан шивцин гуьгъуьна руг жеда. Хъсан дуст куьтягь тежедай хазина я. Хъсан рухвайри пис бубайрин гъалатIар тикрар хъийидач. Хъсан хци бубадин тIвар хкажда. Хъсан кардиз Аллагьди рехъ ахъайда. Хъсан веледди диде бубадин уьмуьр яргъи ийида. Тек тар тама тахьуй. ТIимил авай вуш хьайитIани къизил туш. Акьулсуз кьил кьезил жеда. Гзаф чидайди тIимил рахада. Дуст - чинал, душман - кьулухъай рахада. БалкIандилай эвичIна ламрал акьахмир. Меци датIайди гапурди атIудач. Ажал агакьай кицIи иесидин шаламар неда.
ЦIИЙИ ТИЛИТ
№: 9(314)
октябрь, 2017

Скачать PDF

РУБРИКИ

ПОЛЕЗНОЕ