ИНТЕРФАКС-ди малумат гайивал, Россиядин Новороссийск шегьерда (Краснодар вилаят) Дагъустандин халкьдин шаир СтIал Сулейманаз мемориалдин доска эцигда. Алай йисан 18-майдиз шаир дидедиз хьайи 145 йис тамам жезва. Идахъ авсиятда шегьерда юбилейдин мярекатар кьиле фида ва мемориалдин доска ачухарда.

  И шегьерда гьеле 1938-йисан 25-июлдилай СтIал Сулейманан тIвар ганвай куьче ава. Шегьерэгьлийриз лезгийрин и зурба шаирдикай чирвилер ава. СтIал Сулейман  ХХ виш йисан зурба шаир тир. Ам Октябрь инкъилабдин сад лагьай йикъалай  Совет гьукуматдин пата хьанай, ада и гьукуматдин душманар негь авунай. Вичин поэзия кьиляй-кьилди гьахъ, адалат, садвал, ватанпересвал хьтин гиссеривди диганвай СтIал Сулейманан алакьунар акур Максим Горькийди адаз «ХХ  виш йисан Гомер» тIвар ганай. Адан шиирар дуьньядин гзаф халкьарин чIалариз элкъуьрнава. Ам Ленинан ордендиз лайихлу хьанай.