Хабарар | 3(274) 2014
И мукьвара Дагъустан Республика-дин Ахцегь райондин Луткун хуьре жегьилар паталди эцигнавай «Самур» комплекс кардик кутунихъ авсиятда халкьдин сувар кьиле фена. Комплекс ачухарунин мярекатда РФ-дин Госдумадин депутатар тир Гьажимет Сафаралиева ва Мегьамедкъади Гьасанова, РД-дин НС-дин седридин заместитель Сейфулагь Исакьова, районрин регьберри, Къазах-стандай атай мугьманри, Россиядин тIвар-ван авай карчийри иштиракна.
Республикадин кьилин шегьредин мукьув эцигнавай комплексдикай пуд ра-йондин - Докъузпара, Ахцегь ва Рутул районрин агьалийри менфят къачуда. Комплексда 700 чкадин чIехи зал, шагьматдин ва бильярддин акъажунар кьиле тухун патал залар, жегьилрин клуб, мехъеррин мярекатар патал герек тир шейэр маса гудай салонар, са гафуналди, жегьилрин тIалабунрив кьадай вири жуьредин къулайвилер арадал гъанва.
И зурба эцигун вич луткунви тир, Къазахстандин Актау шегьерда карчивал ийизвай, хайи хуьруьз чIехи инвестицияр серфзавай Жигерхан Сулейманован гьунар яз арадал атанва. Хайи ватандал гзафни-гзаф рикI алай и кьегьал касди яргъара уьмуьр гьалзаватIани, вичин район абадарун патал чIехи алахъунар ийизва.
Мугьманар карчидин заха виликай рикI алаз рахана, адаз чIехи агалкьунар тIалабна. Ж.Cулейманова инлай кьулухъни Дагъустан патал алахъунар давамарда лагьана гаф гана. Ахпа чIехи концерт кьиле фена.
Скачать PDF
Комментарии к статье
Будьте первым кто оставит комментарий к статье.Оставить комментарий