Алатай йисан эхирра ва алай йисан кьве вацра Исмаиллы районда шумудни са цIийи карханаяр эцигна кардик кутунва. Шегьерда 2 хийир-шийирдин кIвал, чIехи автовокзал, Ивановка хуьре йикъа 16 тон фу чрадай завод, Сумагъаллы хуьре электростанция, Лагьиж хуьре азархана, Тиржан ва Топчу хуьрера медпунктар эцигнава. Шегьерда кардик кутунвай дзюдодин меркез жегьилрин рикI алай чкадиз элкъвенва. Исятда Къалынжакъ ва Шебиян хуьрера мектебар эцигзава. Шегьерда 5 мертебадин кьве кIвал эцигна куьтягьзава, райондин азархана ва медениятдин меркез абад ийидай крар тухузва.