Хабарар | 3(274) 2014
Эхиримжи йисара Къебеледа арадал гъанвай инфраструктуради ам дуьньядин машгьур шегьеррин жергедиз акъуднава. 2013-йисуз Къебеле СНГ-дин медениятдин меркез тирди малумарнай. Алатай са йисан къене ина шумудни са чIехи мярекатар тухвана. Гьам СНГ-дин, гьамни дуьньядин маса уьлквейрай атай тедбиррин иштиракчийри Къебеле гзаф иер ва гьар жуьредин къулайвилер авай шегьер тирди кьилди къейд авуна.
И йикъара Къебеледа алатай са йисан къене тухвай крариз къимет гудай чIехи мярекат кьиле фена. Анал шегьерди вичин меркезвилин везифа лап хъсандиз кьилиз акъудайди къейд авуна ва чкадин агьалийриз разивал къалурна. Мярекатдал «СНГ-дин медениятдин меркездин» эстафета Къазахстандин Алматы ва Къиргъизистандин Ош шегьеррив вугана.
Гьа са вахтунда Азербайжандин Медениятдин ва Туризмдин Министерстводи 2014-йисуз Къебеле «Азербайжандин риваятрин меркез» яз малумарна. И кардихъ авсиятда алай йисуз и шегьерда шумудни са марагълу мярекатар тухуда.
Скачать PDF
Комментарии к статье
Будьте первым кто оставит комментарий к статье.Оставить комментарий