Dünyanın bir sıra ictimai xadimləri azərbaycanlı yazıçı Əkrəm Əylislini 2014-ci ilin Nobel mükafatına namizəd göstəriblər.

       Norveç Nobel Komitəsinə ünvanlanan müraciətdə Ə.Əylislinin “Azərbaycan və Ermənistan xalqları arasındakı düşmənçiliyin aradan qaldırılmasında mərdlik göstərdiyi” vurğulanır: “Sülh prosesi dalandan çıxa bilmir, kövrək sülh hər zaman müharibəyə çevrilə bilər. Yalnız məşhur şəxsiyyətlərin çağırışları hər iki xalqı bir-birini bağışlamağa və razılığa gəlməyə təşviq edə bilər. Cənab Əylisli bu addımı hamıdan əvvəl atacaq və düşmənə əl uzadacaq qədər mərd adamdır. Biz əminik ki,    Ermənistanda da eyni şəkildə cavab verməyə hazır olan insanlar var.” Müraciəti aşağıdakı şəxslər imzalayıb: 

Sergey Abaşin - antropologiya və sosial tədqiqatlar professoru, Sankt-Peterburq Avropa Universiteti;

Andrey Bitov - Rusiya REN klubunun prezidenti, İrəvan Dövlət Universitetinin fəxri professoru;

Kreyd Kalhun - sosial elmlər professoru, London İqtisadi və Siyasi Elmlər Məktəbinin direktoru;

Georgi Derluqyan - sosial tədqiqatlar və kütlə siyasəti professoru, Əbu Dabi Nyu-York Universiteti;

Aleksandr Dobroxotov - fəlsəfə doktoru, Moskva ali iqtisadiyyat Məktəbi;

Həsən Hüseynov - klassik filologiya və fəlsəfə doktoru, Moskva Dövlət Universiteti, Moskva Ali İqtisadiyyat məktəbi. Bazel (İsveçrə) Universiteti;

Kevan Harris - ABŞ-ın Prinston Universitetinin Yaxın Şərq Araşdırmaları Mərkəzinin əməkdaşı;

Ruslan Xestanov - fəlsəfə və kulturologiya professoru, Moskva Sosial və Mədəniyyət Proqramları İnstitutunun direktoru, Moskva Ali İqtisadiyyat məktəbi;

Mixail Mayatski - kulturologiya professoru, Moskva Ali İqtisadiyyat məktəbi, İsveçrə Friburq Universiteti;

Vladimir Malaxov - sosial tədqiqatlar professoru, Rusiya Təsərrüfat və Dövlət Xidməti Akademiyasının prezidenti;

Nikolay Plotnikov - fəlsəfə professoru, Rus Fəlsəfəsi və İntellektual Tarixi elmi mərkəzi, Bohum Rur Universiteti;

Teodor Şanin - Mançester Univer-sitetinin sosiologiya professoru;

İmmanuel Vallerstayn - Velk Uni-versitetinin sosiologiya professoru.

Xatırladaq ki, 2012-ci ilin de-kabrında Əkrəm Əylisli “Daş yuxular” romanını nəşr edib. Yazıçı əsəri 2006-cı ildə yazdığını söyləyib. Roman nəşr olunduqdan sonra Ə.Əylisli “Azərbaycanın xalq yazıçısı” adından və fəxri təqaüddən məhrum edilib.