Хабарар  |  7(278) 2014      

   Къубадин Къацу Театрда тIвар-ван авай алим ва зари Абаскъулу Агъа Бакиханован 220 йисан юбилей къейд авуна. Иниз кIватI хьайибур алимдин Амсар хуьре авай кIвал-музейдиз фейидалай кьулухъ мярекатдик экечIна. Тедбирдал республикадин медениятдин ва туризмдин министрдин сад лагьай заместитель Вакъиф Алиев рахана. Ада А. Бакиханован уьмуьрдин рекьикайни яратмишунрикай гегьеншдиз малумат гана. Инал рахайбуру А.Бакиханова вичин Азербайжан-дин ва Дагъустандин халкьарин тарихдиз талукьарнавай машгьур «Гуьлуьстани-Ирем» ктабда археологиядинни тарихдин материалрикай, пачагьринни ханарин указрикай, диндин ктабрикай, «Авестадикай», гуржи ва лезги летописрикай, гьакIни маса чешмейрикай менфят къачунвайди кьилди къейд авуна.