Хабарар  |  7(278) 2014      

     Дагъустандин экономика йис-сандивай вилик физва. Ина тек са 2013-йисуз 14 миллиард манатдин проектар кьилиз акъуднава, агъзурралди цIийи кIвалахдай чкаяр кардик кутунва. Инвесторрин пулунин такьатралди йикъа 600 тон шуьше гьасилдай чIехи завод эцигнава. Алай вахтунда вичин къимет 540 миллион манат тир салан майваяр гьасилдай комплекс эцигна куьтягьзава. Республикада уьзуьмчивал вилик тухун патал агъзур гектарралди цIийи багълар кутазва. И мукьвара Дагъустанда чиликай газ ва нафт хкудун патал кьилди гьукуматдин компания арадал гъанва. Исятда республикадин бюджетдик квачир инвестицийрин проектрин реестрдик 45 чIехи кархана акатзава. Санлай абурун къимет 196 миллиард манат я. Алай вахтунда экономика вилик финин динамикадал гьалтайла Дагъустан Россияда сад лагьай чкадал ала.