Экуь инсанар
Инсанар, кьисметар  |  7(278) 2014      
      Чал руьгьдиз кьакьан инсанар гьалтначиртIа, уьмуьрдихъ дад жечир. Тек вичикай, вичин хизандикай ваъ, гьакIни мукьва-кьилийрикай фикир-фагьумдай, хъсанвилерихъ ял-дай, вичелай алакьдай къени крар рикI алаз кьилиз акъуддай, хайи халкьдихъни дидед чIалахъ ялдай инсанар гзаф авайвиляй дуьнья рикIиз чими я. Ихьтин инсанри яшамишдай гуж гуда, уьмуьрдихъ дад кутада.
      Къе абурукай садакай я чи ихтилат: чи редакциядин чIехи дуст Шагьисмаил Исмаиловакай. Адан рагьметлу буба Агъамурад халу Къебеледин тIвар-ван авай агъсакъалрикай тир. Адахъ ахьтин гьукум авай хьи, райондин кьиле авайбуруни и касдал меслят тагъана чIехи крар гъиле кьадачир. Тек са лезгийрин ваъ, гьакIни азербайжанвийрин патай чIехи гуьрмет къазанмишнавай и касди дидед чIалал акъатзавай «Самур» газетдин кIвалахдарар Къебеледиз фейила абур икрамдивди кьабулна вичелай алакьдай куьмекар ганай. Ада и газет кхьин вири лезгийрин буржи я лагьанай. Агъса-къалдин гафарив кьадайвал, цIуд-ралди инсанри чи газет кхьенай.
      Къебеледин тIвар-ван авай интеллигентрикай тир Баба Бабаева лагьайтIа, и кардихъ вижеваз къуьн кутунай. Ада 100-далай гзаф кIелчи чи газетдив агуднай. Баба муаллим рагьметдиз фейидалай кьулухъ са къадар вахтунда кIелдайбур газетдивай яргъа хьуни чахъ къалабулух кутунай. Ингье Агъамурад халудин хва Шагьисмаил Исмаилов чи куьмекдив агакьна. И кас Къебеледин сейли духтур хьиз,  гьахъ, адалат вине кьадай, гаф чинал лугьудай кьегьални тирвиляй къе «Самурдин» даяхар ина кIеви я.
     Къени къилихрин инсан тир Шагьисмаил Исмаилов вичин кьетIен-вилералди чешнелу я. Савадлувилелни алакьунралди вичихъ ялдай, хайи халкьдал дамахдай, дидед чIал багьаз кьадай инсан я ам. Лезги тIварцIиз агъузвал гъидай крар кьабулиз жедач адавай.
«И дуьньяда гьар са инсандин виридилайни чIехи даях хизан я. А итим бахтлу я хьи, адал акьуллу ва къени дишегьли – хъсан уьмуьрдин юлдаш гьалтнава. Ихьтин дишегьлиди хизандикай хизан ийида», - лугьуда ада. 
     Эхь, Ш.Исмаилован уьмуьрдин юлдаш Гуьлейфе муаллимни ихьтин дишегьлийрикай я. Абуру санал уьмуьр гьализ 40 йис ятIани, и кIанивилин яшар 50 я. Са мектебда, са синифда кIелай и кьведаз 8-синифда са-сад кIан хьанатIани, хизан туькIуьрун патал цIуд йисалай виниз женг чIугуна абуру. Бакуда институтар акьалтIарна, Къе-беледа кIвалахзавай абур эхирни чпин мураддив агакьна. Гьуьрметдинни кIанивилин бинедаллаз туькIуьрнавай и хизан къе Къебеледа гзафбуруз чешне я. Чпин вад веледни гьа чеб хьиз намуслу, зегьметдал рикI алай ва савадлу инсанар хьиз чIехи авуна абуру. Абурун пуд хцикай - Вуькъаракай, Илкъаракай ва Ифтихаракай чпин буба хьтин духтурар хьанва. Рушари, Халисадини Сейрана лагьайтIа, дидеди хьиз муаллимвилин рехъ хкянава.
ГъвечIи-чIехи авай, хатур-гьуьрмет чидай и хизандин рафтарвилер акурла рикI ахъа жеда инсандин. Чпин веледрални хтулрал рикI алай, гьалал фу тIуьна суваб крарихъ гелкъвезвай и дуьзена, дамах гвачир инсанрихъ галаз ихтилатдайла руьгь акатда вак.
    И йикъара чпин санал уьмуьр гьалунин 40 йисан лишан тир якъутдин мехъер къейдзавай Шагьисмаил ва Гуьлейфе Исмаиловриз чна къизилдин, бриллиантдин мехъерар къейд авун, санал бахтлу хьана, санал рехи хьун тIалабзава.
 
«Самур» газетдин коллектив
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Генералдикай гьикI наиб хьанай? КцIарви академикар Tarixi ad bərpa olunmalıdır ЧIалав акатайвал эгечI тийин
Статьи из этой рубрики
Сенятди квадарна Haradir vətənim? КьатI хьайи уьмуьр Кьве веси Спасенные жизни
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ