Гзаф рахунардай паб
мах Мах  |  12(283) 2014      
      Хьана кьван, хьанач кьван са хуьре  Рахузат твар алай са свас.  Ам акьван иер тир хьи, суракьар къунши хуьреризни чкlанвай. 
И Рахузат иер тир кьванни бахтсуз тир. Пудра хизан туькlуьрай адавай садрани вичин муг чими ийиз хьанач.  Ара датIана  мурмурдай, гзаф рахунардай папакай ксар катнай.  Рахузата лагьайтIа, вичин хесетдикай ваъ, бахтуникай хъелнавай. 
     Къунши хуьре Къени лугьудай  чатун устlар  авай. Акун кумазни Рахузатал ашукь хьанай кас. Къенидин къаст  чир хьайила мукьва-кьилийри гьармада санихъай адаз ахмурарнай: « Вуна адан иервилиз килигмир. Хъсан папакай пуд гъуьл катдач». 
     Ингье Къенидиз вичин ниятдилай гъил къахчуз кIанзавачир. Ада рушан мукьва-кьилияр кlватlна абурувай жузун-качузунна. 
     Рушан сад лагьай гъуьл харат устlар тир. Вичин папан хесет мехъе­рилай кьвед-пуд югъ алатайла  чир хьанай адаз: галатун тийижиз гаф регъведай сиви. Садра кlвалин къав гуьнгуьна хутаз кlан хьанай касдиз «Валай кар алакьдайди туш, къавал акьахмир, аватна кьам хада ви», -лугьуз телегь-билегьнай  Рахузата.  Кас къавал акьахна  кlвалахив эгечlайлани паб акъваз тийиз раханай. Касдин кьил акl дакlунвай хьи, эхирни кlвач галкlана анай кIамуз аватна. Тlекьена сагъ амукьай ам  «Чан аламаз ихьтин папавай яргъаз хьана кlанда»,- лагьана кlваляй катна. 
    Кьвед лагьайди гъетерхъан тир. Кlвалик-къак  гелкъведай ада папаз хвеши хьурай лугьуз  кьур гъетер чантайралди кlвализ ялдай. Рахузата ла­гьай­тlа, вилерай хкидай касдин хъсанвилер: «Гьикьван ялда вуна и гъетер?! Кlвалерилай гъетрен ни алахьна физва. Жуваз маса кlвалах жагъура, тахьайтlа гьа гьуьлуь хъуьткьуьнда вун».
Гьакlни хьана. Са къуз гъетер­хъандин кlвач чилинихъ галкlана циз шуткун хьана. Жибинда чил атlудай чукlул хьаначиртlа, бажагьат анай экъечIиз жедай касдивай. Сив квай папан кьилив амукьиз кlан хьанач адазни.
    Пуд лагьайди чубан тир.  Яйлах­рай галатна  хтай чубандиз ракlар ахъайзавайди, на лугьуди,  эвелан иер Рахузат ваъ, кускафтар тир. «Им вучтин ниси я вуна гъанвайди? Им гьи жуьредин чIем я? И як са къафундизни виже къведач. Вазни кlвалах жагъана ман. Гьикьван жеда вун дагълара хиперни кицlер гваз? Са къуз жанавурдин сарак акатайла лугьуда за ваз», - ара датIана рахадай Рахузат. 
«Гьайиф тушни дагълара секиндиз хьун», - фикирна  мад хъфенач  кас Рахузатан кьилив. 
     Къенидиз ибур аян хьанатlани, вичин гафунилай элкъвенач. Фикир-хиялри тухванвай адав чlехи вах агатна:
    - Рахузат рази хьайитlа, ийида чна квез мехъерар. Зунни са шумуд юкъуз куь кlвале амукьда.  
     Гьакlни хьана. Мехъерилай кьулухъ Къенидин вах са гьафте стхадин кlвале мугьман хьана. Рахузатан хесет дегиш жезвачир. Гьа вичин саягъда ,  алаз-алачиз мурмурзавай ада. Къенидин хвешивиликай гелни амачир. Вичин стхадин гьал акур ваха адав кьве нахутl вугана:
     - Кьве къалай кlвализ хъша. Ибур япара тур. Рахузатаз вун дагъда цlайлапанди яна пеши хьанва лугьуда чна.
     Къениди ваха лагьайвал авуна. Гьа чIавалай гьар кlвалив агакьайла ада япара нахутlар тваз хьана. Рахузатан регъв хьтин меци мад адан кьил тIарзамачир. Гила адаз аквазвайди папан  са вуч ятlани лугьузвай иер чин тир. Рахузата вуч лагьайтlани,  Къени адан чиниз килигиз милидаказ хъуьредай.
Абур кьведни бахтавар тир. Къени, вичел Рахузат хьтин иер паб гьалтна лугьуз, Рахузатни гъуьлуь вичив кIамай кьван мурмуриз  тазва лугьуз.
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я «Сувар» вновь поразил зрителей Ашукь Алескер рикIе аваз Жуввал гьикI хуьда? Къурушвийрин мисалар
Статьи из этой рубрики
Хъсанвилиз писвал Жив такур гъед Гатфар ЦIийи рагъ Хъсан дуст
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ