РикIел хуьх! "Самурдин мектеб" | 1(284) 2015
Ибарайри кхьинриз метлеблувални иервал гъизва, чIал фасагьатлу ийизва. Рахунра ва кхьинра ибарайрикай гегьеншдиз менфят къачун чIал хъсандиз чир хьунин лишан я. «Самур» газетдин редакциядиз чар ракъурзавайбуруни кхьинра ибарайрикай менфят къачузва. Ингье са бязибуруз абурун манаяр авайвал чизвач ва гьавиляй гъалатIриз рехъ гузва. И татугайвал арадай акъудун патал чна агъадихъ са бязи ибараяр ва абурун манаяр гузва.
Лацу кIараб – девлетлу инсан.
КIан пад цавалдна – терсина, кьилихъди.
Чакъул авун – жуваз табийрун.
КIвачериз куьс гун – катун, хъфин.
Пемпе цавуз акъудун – гатун, кукIварун.
Хъемеш къакъура хтун – кар ва я гаф къулухъ элкъуьрун.
Марсдин майдан – кукIунрин майдан.
Чилив сад авун – тамамдаказ уьцIуьрун.
Эзопан чIал – айгьамралди рахун.
Регъуьн гъетIгъетI – лагълагъчи.
Кьили ван авун – акьуллу хьун.
ЧIарчIелай ракъурун – вичиз табийрун.
Гьабицан чухва – кар алакь тийидай кас.
Яргъи манат – гзаф, амма регьятдиз гьатзавай мажиб.
Сиверчар авун – тIимил кьван фу тIуьна гишинвал аладарун.
Виляй къисун – вичел фикир желб авун.
Аллагьдин варан – къанмаз.
Къацузма-цIарузма – жегьил я, акьул балугъ хьанвач.
Гъилер куьсун – са кIвалах ийиз ашкъи амукь тавун.
Къавуз цIиртI ягъун – са карни тийиз хьун.
Скачать PDF
Комментарии к статье
Будьте первым кто оставит комментарий к статье.Оставить комментарий