Азербай­жандин та­лукь идара­йрин пешекарри къейд авурвал, алай йисуз ВУЗ-риз имтигьанар гайи жегьилрин кьула къебелевияр чпин агалкьунралди тафаватлу хьанва. ЦIи районда юкьван мектебар 1452 жегьилдикай 14-да тафаватлувилелди, 5-да лагьайтIа, къизилдин медалдалди кьилиз акъудна. Институтрик экечIун патал документар гайи 810 къебелевидикай 48-да 600-далай виниз баллар кIватIна. Им Къебеле райондин мектебрин тарихда виридалайни чIехи агалкьун я. Алатай йисуз 600-далай виниз балл кIватIайбурун кьадар 27 тир. ЦIи республикада виридалайни гзаф балл кIватIайбурукай сад Вендам хуьруьн юкьван мектебдай Хеяле Эфендиева хьана. Ада 700 балл кIватIна. 695 балл кIватIайбурук Гьемзели хуьруьн мектебдай Зуьгьре Сиражбейли ва Къебеле шегьердин 1- нумрадин юкьван мектебдай Теране Ширинбейли акатзава.