Барка | 7(290) 2015
И йикъара лезги халкьдин кьегьал хва Имам Яралиев кьиле аваз Ахцегь шегьерда кьиле фейи «Шарвили» эпосдин сувар генани гурлуди хьана. Агъзурралди инсанри иштирак авур суварихъ чи тIвар-ван авай алим, Россиядин Илимрин Академиядин Дагъустандин Илимдин Меркездин грамматикадин ахтармишунар кьиле тухудай отделдин илимдин чIехи къуллугъчи, филологиядин илимрин доктор Фаида Гъаниевадиз «Шарвили» премия гана.
Фаида ханум 100-дав агакьна илимдин макъалайрин, са шумуд ктабдин автор я. Алимди чи хуьрерин нугъатар ахтармишунин кардик иллаки чIехи пай кутазва. Адан «Хиналугъ ва урус чIалан словарь», «Отраслевая лексика лезгинского языка», «Курушский говор лезгинского языка» хьтин ктабар лугьуз тежедай кьван къиметлу илимдин чешмеяр я.
Чна «Шарвили» премия къачур чи сейли алим, ара датIана вирибуруз куьмек гузвай умун къилихрин инсан, чи редакциядин дуст Фаида Гъаниева рикIин сидкьидай тебрикзава, адаз чандин сагъвал, илимдин рекьяй мадни чIехи агалкьунар тIалабзава.
Скачать PDF
Комментарии к статье
Будьте первым кто оставит комментарий к статье.Оставить комментарий