Садра зун гзаф багьалу каретада ацукьна жуван Мердаканда авай кIвализ физвай. Крар хъсан яз зи кефини къумбар тир. Садлагьана заз каретадин дакIардай Ахунд Абутураб агъа вичин цIуру файтунда аваз физ акуна. За карета акъвазариз туна ва гьасятда файтунчидиз эмир гана: «Вач, Ахунддиз лагь, зи каретадиз атурай.» Ахунд атана ва чун санал зи каретада аваз, инихъай-анихъай ихтилатар ийиз-ийиз рекье гьатна. За  адавай жузуна: «Агъа, вуна гьикI фикирзава, лагь кван, и мал-девлет зи гъиляй акъатун мумкин яни?» Абутураб агъади жаваб гана: «Гьажи, вун Меккедиз зияратдиз фена, ваз кьадар-кьисметдин чIурукIавал тийижиз туш. Ингье Аллагьдиз кIан хьайитIа, ада са легьзеда вири мал-девлет вавай вахчуда. Гьавиляй эбеди тирдакай фагьум ая…»

     Къад лагьай йисара фабрикар, мяденар ва имаратар завай вахчуна вири халкьдин мал авурла, зун яшамиш жен патал жуван Мердаканда авай кIвализ куьч хьана. Ана Абутураб агъадин гафар зи рикIел хтана ва зун гъавурда акьуна хьи, адан гъвечIи тупIуз чизвай кьван зи кьилиз чизвач. Гьавиляй за квевай зун адан кIвачерикай кучукун тIалабзава.

 

Гьажи ЗЕЙНАЛАБДИН ТАГЪИЕВ

 

 ***

 

     Зи кьилин къванцел кхьихь: «Зулумдик квай зи халкь са юкъуз азад жеда.» За рикIин сидкьидай жуван халкьдиз лугьузва, жезмай кьван илим чира, урус яни, чувуд яни килиг тавуна, гьар са инсандин гьуьрмет къазанмиша. Куьн идара ийизвайбуруз ялтахвал мийир. ТахьайтIа, куьне квез гьуьрмет хъийидач. Гьар са миллетдихъ галаз дуствал ая ва вилик алад. 

     За квевай тIалабзава, зи играми хизан, зи гилан ва гележегдин веледар, хъсан къилихар авайбурал ихтибар ая. Диде-бубадиз гьуьрмет ая, тахьайтIа, дувандин вахтунда куьн азабдик акатда, аялрин къайгъу чIугу, абуруз герек тир чирвилер це, къуй абурухъ гьарадахъ кIвалах хьурай, къуй абур чIехи камаралди вилик фирай.

     Зун кьейила, Аллагьдиз дуьа ая, къуй ада зи гунагьрилай гъил къачурай, гьим атайтIа: аял гвай дишегьли, кесиб кас, виридаз садакьа це.

    Муькуь халкьарихъ галаз санал яратмишдайбурукай хьухь. Къуй чилин винел вири инсанар ислягьвилелди яшамиш хьурай. Къуй жи жергейра хаинар амукь тавурай.

 

Гьасан АЛКЬАДАРИ