Дагъустандин Гьукуматдин Университетдин доцент Заур Алисултанова и йикъара 27 яшда аваз физикадинни математикадин илимрин докторвилин диссертация хвена. Вич СтIал Сулейманан райондай тир Заур Дагъустан Республикадин виридалайни жегьил илимрин доктор я. Университетда тарс гузвай З.Алисултанов гьакIни Россиядин Илимрин Академиядин Дагъустандин Илимдин Меркездин чIехи илимдин кIуллугъчи я.

     Заур Алисултанова гьеле университетдин сад ва кьвед лагьай курсара кIелдайла умуми физика месэлайра темадай 5 жуз кхьенай. А чIавуз алимривай жегьилдин эсерриз лайихлудаказ къимет гуз хьаначир. 2011-йисуз Москвадин А.М.Прохорован тIварунихъ галай Умуми Физикадин Институтдин аспирантурадик экечIай Заура са йисан къене кандидатвилин диссертация хвена. Россиядин машгьур алимри Зауран гьам кандидатвилин, гьамни докторвилин илимдин кIвалахриз лайихлудаказ къимет ганва ва адахъ илимдин рекьяй экуь гележег авайди къейд авунва. Гила машгьур алимрин ихтибарвал хуьз алахъзавай жегьил лезгиди икьван гагьди садани ахтармиш тавунвай цIийи илимдин кIвалахдин винел зегьмет чIугзава. 

 

"CАМУР"