Агалкьунар тIалабзава
Редакциядиз чар  |  2(307) 2017      
     «Самур» газетдин 25 йис хьунухь заз гзаф хвеши хьана. Чи тIвар-ван авай журналистри акъудзавай и газетди гьам лезги, гьамни Азербайжан журналистикада лайихлу чка кьунва. Са гафни авачиз, гилан аямда газет акъудун са акьван регьят кар туш. РикI шадардай кIвалах ам я хьи, и 25 йисан къене газетдин ери къвердавай хкаж хьана, ада  агъзурралди кIелдайбур агудна. Вичин темайрал, къарагъарзавай месэлайрал гьалтайла газетди вирибурун рикIяй хабар гузва. Заз са шумуд рубрикадикай жуван фикирар лугьуз кIанзава. Са гафни авачиз, сад лагьайди чIалахъ галаз алакъалу месэлаяр я. Вучиз лагьайтIа алай вахтунда чи кьилин везифа хайи чIал хуьн ва вилик тухун я. И рекье «Самур» чIехи женгчи я. Ада гьам лезги чIал хъсанарзава, адак пай кутазва, гьамни чIал чIурзавай гьаларин вилик пад кьаз алахъзава. ЧIалан пешекарри дуьшуьшдай лугьузвайди туш: ««Самур» газетдин чIал гележегдин лезги чIал я.» 
     Газетди жуван чIалан гафар аваз менфят къачузвай патан гафар арадай акъудзава. Эхиримжи йисара чи зарийри туькIуьрнавай цIийи гафариз кьетIендаказ фикир гузва. «Самурди» 4 агъзурдав агакьна къадим ва чIалан куьгьне къатарик акатзавай гафар арадал хкана. Жечни куьне и гафар «Самурдин гафалаг» тIвар гана ктаб хьиз чапдай акъудайтIа? Им гзаф кIелдайбурун рикIяй физвай месэла я.
     Газетда чIалаз талукьарнавай 10-далай гзаф рубрикаяр ава. Абурукай сад «ЧIалан женгчияр» я. И рубрикадик кваз куьне, адет яз, чи чIалан алимрикай, лезгиноведрикай макъалаяр чапзава. Ина хайи чIал кIанарзавай ксарикай ва хъсан муаллимрикайни макъалаяр ганайтIа хъсан жедай.
     Авайвал лугьун хьи, кIелдайбуру чи этнографиядиз талукьарнавай макъалаярни хъсандиз кьабулзава. Газетда «Чун», «Лезги адетар», «Чи хуьрер», «Зи хайи къул», «Чи жуввал», «Ким», «Халкьдин суварар» хьтин рубрикайрик кваз гзаф марагълу макъалаярни очеркар чап жезва. Чна квевай «Чи хуьрер» рубрикадик кваз макъалаяр ара датIана чап авун тIалабзава. Вучиз лагьайтIа чаз чи гзаф хуьрерикай гегьенш чирвилер авач. 
     Эхирдай заз са кIелдайди хьиз лугьуз кIанзава, алатай 25 йисан къене «Самурди» чи халкьдин  тарихда гел туна ва мадни тазва. За и рекье газетдин кIвалахдарриз чIехи агалкьунар тIалабзава.  
 
Шагьисмаил ИСМАИЛОВ,
Къебеле район

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Кьегьалар рекьидач! Азизан Алем ЧIал хуьнин мураддалди Лезги чIалан тарсар
Статьи из этой рубрики
Кьурагь дередин тават Маршалдин чар Хайи чIалан къадир хьуьх Вириниз сейли хьанва Жуввал гьикI хуьда?
ЦIИЙИ ТИЛИТ
№: 9(314)
октябрь, 2017

Скачать PDF

РУБРИКИ

ПОЛЕЗНОЕ