Хабарар | 6(322) 2018
Кьурагьвили Гьиндистандин хуьруьн майишатдик гзаф зарар хкIурзава. Яд авачирвиляй гъвечIи хуьрерин агьалийривай бегьер къачуз жезвач. И татугайвал арадай акъудун паталди яргъал хуьрерикай сада яшамиш жезвай Раджендра Сингха вичин уьмуьрдин 20 йис серфна. Ада дегь девирра Гьиндистандин агьалийри марфарин ятар гьикI хуьзвайтIа ва абурукай гьикI менфят къачузвайтIа чирна.
Вичин проектда Сингха марфадин ятар кIватIдай гилан технологиядикай менфят къачунва. Накьвадин кьантIарикай бандар кьуна махсус жуьредин цин гьамбарханаяр арадал гъайи ада, 1500 йис инлай виликан тежриба кардик кутунва. И тежрибади адаз марфадин ятарикай хуьруьн майишатда гегьеншдиз менфят къачудай мумкинвал гузва.
Алатай 20 йисан къене Сингха вичин алахъунралди 1000 хуьруьз яд вахканва. Сингхан проектдив кьадайвал, 1985-2007-йисара 1068 хуьре 8600 цин махсус гьамбарханаяр арадал гъанва. Журналистри адаз «Гьиндистандин цин кас» тIвар ганва.
Скачать PDF
Комментарии к статье
Будьте первым кто оставит комментарий к статье.Оставить комментарий