Халичайрив рахазва
Харусенят  |  8(324) 2018      
     Сун гъаларикай халисан се­нятдин эсерар туькIуьрда гамар­банри. Абурун тупIа­рикай сад-садалай иер чеш­нияр  хкатда. Аял чIа­валай гьейран я зун гам храз­вайбурал. Инсандихъ ша­ирдин рикI, чIугвардин ала­кьунар тахьайтIа, адавай гамар, сумагар храз жеч. Кваг-кваг, цIар-цIар арадиз гъизвай и халисан сенятдин эсерар илгьам галачиз гьикI туькIуьрда?
     Шаир-манидар хьиз вири Да­­гъус­тан­диз сейли тир Диль­мира Ашур­бе­ковади хранвай гамарин шикилар фейсбукда акурла «Гьар гамарбандивай ши­ирар туькIуьриз жеда, анжах гьар шаирдилай гамар храз алакьдач», – лагьана фикирна за. И гафар Дилмирадиз лагьайла, ада заз жаваб гана:
     – Зи кIвачи чил кьур чIавалай  заз чи кIвале  гьамиша тара гам, халича аваз акурди я.  Зи дидеди гзаф халичаяр хранай. Зи 8 йис хьайила за дидедивай кваквар вегьез чирнай. И кар заз акьван кIани хьанай хьи, садра диде кIвалахалай хкведалди за гебедин цIуд цIар хранай. А цIарар акурла дидедиз хвеши хьанай. Идакай руьгь акатай  за гебедин чIехи пай кьилди храна куьтягьнай. Ахпа жува-жуваз гамарин нехишар чIугваз чирнай. Абур за чIугунвайбур тирдан сифте садни чIалахъ хьаначир. «Аялдивай ахьтин нехишар чIугваз жеч» лагьанай. Ингье гуьгъуьнлай виридаз зи гамар хрунал рикI алайди чир хьанай.
     Диде кIвалахал алаз, пуд лагьай синифдиз акъатайдалай гуьгъуьниз кIвал зи хиве гьатнай. ЯтIани за мектебда хъсан кIелдай, зи шикил “гьуьрметдин доскадал” алай. Мектебдай кIвализ хтайла зун кIвалин михьивилер авуна, гамунихъ ацукьдай. Са шумуд цIар храйдалай кьулухъ тарсар чириз эгечIдай. Гьа икI, за текдиз яргъивал 4,5 метр, гьяркьуьвал 2,5 метр тир 30 гам храна. РикI дердерив ацIана гамунихъ ацукьайла за чIалар теснифна манидалди лугьуда.
     Вичихъ чIехи алакьунар авай Дильмира Ашурбекова 1977-йисуз СтIал Сулейманан райондин КIварчагърин хуьре дидедиз хьана. Хайи хуьре юкьван мектебда кIелай йисарилай гатIунна шиирар кхьизва. 2008-йисуз адан «Катмир зи бахт» тIвар алай шииррин кIватIал басма хьана. Дильмира Магьачкъалада яшамиш жезва, ам кьве веледдин диде я. 6 йисуз Магьачкъалада «Дагъларин уьлкве» радиода гьар арбедин юкъуз эфирдиз акъатзавай «Рахазва Магьачкъала» гунуг тухвай ада са шумуд йисуз аялрин бахчада кIвалахнай. Алай вахтунда и иер дишегьлиди мярекатар, мел-межлисар, мехъерар  тухузва. 
 
С.КЕРИМОВА
     ДИЛЬМИРА АШУРБЕКОВА  
 
    Халичадив рахана зун
 
     За хразвай халичадал
     Гьар жуьредин гуьлер ала.
     КIани ярдин буй-бухахдал
     Са шумудан вилер ала.
 
     Цава авай экуь гъетер,
     Мад нурари  куькIуьрзава.
     КIани ярди чIулав вилер
     Сефил яз зал туькIуьрзава.
 
     Багъда авай къизилгуьлер,
     Заз куьн акваз шез кIанзава.
     Зун айибмир, чан эллер заз
     Бахтлу инсан жез кIанзава.
 
     Дуьньяд гьалар акур чIавуз,
     Инсанрикай кхана зун.
     Дердерикай мани лугьуз,
     Халичадив рахана зун.
 
    Я сад Аллагь
 
     Ирид дагъдиз экъечIнай зун,
     Гьич санални энгел хьанач.
     Бахтар кIватIиз эгечIнай зун,
     Аллагь,зун ви рикIел хьанач.
 
     Кьилел къвадай вахтунда юргъ,
     Далда кьадай тажни кIан я.
     И дуьньядал гайила югъ,
     Адахъ кьисмет, ражни кIан я.
 
     Я сад Аллагь, заз вуна лагь,
     Бахтлу жедай рехъ гьим ятIа.
     Акъатзавач зи кьил, валлагь,
     Гьим батIул я, гьахъ гьим ятIа? 
 
     И дуьньядал заз акурди,
     Гъам-хажалат, дерт я пара.
     Зун я шадвал, бахт такурди,
     Аллагь, вакай заз са чара!
 
     Гьиниз фин лагь, зун, я Аллагь?!
     Цав кьакьан я, гьуьл я дерин.
     Зи жегьил чан кузва, валлагь!
     Са кIус кьван бахт це заз ширин.
 
     ИкI физавай уьмуьр гьайиф,
     Пад-пад жезва къеневай рикI.
     Жегьил тир чан хьана зайиф,
     Вучда закай амукьна икI?
 
     Аллагь, Аллагь, я cад Аллагь!
     Бахтун куьлег нив гватIа лагь?!
     Мийир икьван агь вуна заз,
     Тахсир вуч я, лагь вуна заз?

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я ЧIехи сед Илмаран кьегьалвал Камалэгьли Чи гьикаятдин кьакьан дагъ
Статьи из этой рубрики
«Сувар» ансамблдин 20 йис! ЦIийи фильм – «Квахьай йикъарган» Решадан шегьре рехъ Розадин мурад Festivalda ləzgi musiqi səsləndi
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ