Къубадин баядар
Фольклор  |  8(324) 2018      
     Играми редакция! «Самур» газетдин са кардикай заз гзаф хуш къвезва. Ада мукьвал-мукьвал чи республикадин лезгияр яшамиш жезвай районрай кIватIнавай фольклордин чешнеяр, иллаки баядар (манияр) чапзава. КцIар, Хачмаз, Къебеле, Исмаиллы районрай, гьатта Туьркиядин лезгийривай кхьенвай гзаф баядар кIелна за газетдин чинрай.
     Кьве варз вилик газетдин кьилин редактор Седакъет Керимовадин «Зи зари халкь» ктаб агакьна зав. Сагъ хьурай чи къелемэгьли, гзаф метлеблу ктаб арадиз гъанва. Гьа и ктаб кIелна зани Къубадин лезгийрин баядар кIватIун къарардиз къачуна. За квез са береда жуваз Къубадин Дигагь хуьре яшамиш хьайи шаир Мелки Нежефовадивай ван хьайи баядар ракъурзава. Абур икьван гагьди санани чап хьанвайди туш.
 
Къубадавай ичин багълар
Цуьк акъудна лацу ялда.
Вун хквезвач лугьуз гада,
РикIи завди гьикьван къалда?
 
           ***
Кьудял вацIал кьул вегьена,
Кьуд патахъди яд алахьиз.
За ваз мад чар кхьизва яр,
Кьве вилелай нагъв алахьиз.
 
           ***
Я Къубадиз физвай къелем,
ЭвичIа тIун балкIандилай.
Мус хкведа лугьуз рекьер
Гьикьван хуьда айвандилай.
 
           ***
Чаз Къубадай са мукIратI гъваш,
Назназидин пIипI атIудай.
Са кьве мани лугьуда за, 
Ви къеневай рикI атIудай.
 
           ***
Къуба авай Кьудял дере
Алахьна физ ятар ялда.
Чун кIевера акIун вахар,
Аллагьд тагай бахтар ялда.
 
           ***
Къубад рекьер сал я вахар,
Жерг ягъана физ тахьурай.
Гъурбатда хьун тIал я вахар,
Гъурбат рикIел гъиз тахьурай.
 
           ***
Заз Къубадай диба гъимир,
Зардин пекер ава захъ яр.
АлакьдатIа фад хъша вун,
КIанидан вил гала вахъ яр.
 
           ***
Къубад багъдин юкьвал алай,
Юкьвал алай къизилдин гуьл.
Яраб бахтар ни пайнатIа,
Садаз пара, садаз тIимил?!
 
           ***
Цавай физвай вад вили лиф,
Яраб абур вахар я жал?
Къубадавай кIани ярдиз
Зи рикIикай хабар я жал?
 
           ***
Ви чIалари кана зи рикI,
Къубадавай ашукь гада.
Икьван зарул мани лугьуз,
Яраб вун нел ашукь ятIа?
 
           ***
Къубад багълар цуькведава,
Цуькведава лацу хьана.
Я бахтавар кIани къелем,
Зун ви буйдал алцур хьана.
 
           ***
Шагь дагъдилай къарагъай гар,
Вучиз икьван серинда вун?
Чан Къубада авай зи яр, 
Виридалай ширинда вун.
 
           ***
Заз Къубадай диба гъимир,
Гуз алахъмир вири алем.
Саламатдиз хъша хуьруьз,
Заз ви паяр кIандач къелем.
 
           ***
На лацу шив чукваз тахьуй,
Къубад пелер тик я гада.
КIани ярдин сифте ашкъи
Гуьз тежедай ник я гада.
 
Менсуре САЛМАНЗАДЕ,
Къуба райондин Дигагь хуьрьун юкьван мектебдин муаллим
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я ЧIехи сед Илмаран кьегьалвал Камалэгьли Чи гьикаятдин кьакьан дагъ
Статьи из этой рубрики
Бадейрин кьула Бадедин йикъарган Я Лацарин Гавдан дере Яран мисалар Кусары - столица фольклора
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ