“Самурдин” 27 йис хьанва
Юбилей  |  1(327) 2019      
     1992-йисан январдилай акъат­завай «Самур» га­зетдин 27 йис хьанва. И 27 йисан къене газетдин 326 нумра чапдай акъатна.
     Агъзурралди чарар къачуна редакцияди. Газет халкьдин трибунадиз элкъвена. Вучиз лагьайтIа «Самурди» чIал хвена, вилик тухвана, тарихар суракьна, чи эдебиятдик пай кутуна, этнографиядихъ гелкъвена, гзаф кар алай месэлаяр къарагъарна, 4 агъзурдав агакьна чIалан куьгьне къатарин гафар винел акъудна, чи хуьрериз, халкьдин тIал алай месэлайриз талукьарнавай макъалаяр чапна.
     И йисара, кIелдайбуру лугьузвайвал, «Самур» чIалан женгчидиз элкъвена. Ада датIана гьам лезги чIал хъсанарзава, адак пай кутазва, гьамни чIал чIурзавай гьаларин вилик пад кьаз алахъзава. Газетдиз «ЧIал», «Чи чIал, чи тIал», «Диде гьарай, дидед чIал гьарай», «ЧIалан михьивал хуьн», «Лезги чIалакай ихтилатар», «Чи гафар», «ЧIалан женгчияр» рубрикайрик кваз гзаф  марагълу макъалаяр акъудзава. И рекьяй газетдин женгчи руьгь адан гьар нумрадай кьатIуз жеда. КIелдайбуру «Чун», «Чи хуьрер», «Архиврин геле аваз», «Чи жуввал», «Ким», «Зи хайи къул», «Лезгияр вирина» рубрикайрик кваз чапзавай макъалаярни гзаф рикI алаз кIелзава.
     Редакцияди датIана кIел­дай­­бурухъ галаз алакъаяр мягь­ке­мар­зава, абурухъ галаз гуьруьшар кьи­ле тухузва. Эхиримжи йисарин са шумуд мярекат рикIел хкин. 2016-йисан 7-майдиз «Самур» га­зет­дин кIвалахдаррин Дагъустан Рес­публикадин СтIал Сулейманан райондин кIелдайбурухъ галаз кьиле фейи гуьруьшдикай «Кьасумхуьр ТВ-ди» халкьдиз гегьеншдиз ма­лумат гана. И гуьруьшди мад гъилера «Самурдихъ» Азербайжанда хьиз, Дагъустандани чIехи нуфуз авайди къалурна.
     Газетдин кьилин редактор Седакъет Ке­римовади 2017-йисан апрелдиз Туьркиядин лезгияр сигъдаказ яшамиш жезвай Бурса ва Балыкесир шегьерра тухвай гуьруьшра вишералди чи ватанэгьлийри иштиракна. И мярекатрикай газетри ва журналри марагълу макъалаяр чапна. 2018-йисан июлдиз кьилин редакторди Къебеле райондин къадим ва чIехи хуьр тир Камарванда тухвай гуьруьшни гзаф марагълуди ва рикIел аламукьдайди хьана.
     Гьа инал лугьун хьи, «Самур» газетдин 2017-йисан 29-декабрдин нумрада чна 2018-йис дидед чIалан йис хьиз малумарнай. И кар кIелдайбурун рикIяй хьанай ва абуру редакциядиз гзаф чарар ракъурнай. Са кьадар чарар газетдиз акъуднай. И месэладихъ авсиятда редакцияди исятдани Азербайжандин лезгияр яшамиш жезвай районрай, Дагъустандай, Россиядин чара-чара вилаятрай чарар къачузва. ЧIалан къайгъу чIугвазвай ксари марагълу месэлаяр къарагъарзава. Чка атунивай чна а чарар газетдиз акъудда.
     2017-йисуз чна «Самурдин» 25 йисан юбилей къейд авуна. «Самур» хуьн викIегьвал я», «Самур» халкьдин дамахдиз элкъвенва», «Чи газет хайи Самур вацI хьиз даим аваз хьурай!» – гьа ихьтин хуш гафар, эрзиман мурадарни тIалабунар авай чарар къачуна чна кIелдайбурулай. Санлай 10 уьлкведай 300 касди редакциядин коллективдиз ва кIелдайбуруз «Самурдин» 25 йисан юбилей тебрикна. Абурухъ виридак сад хьтин фикир ава: «Хайи чIалан къадир авай гьар са касди газетдиз куьмек гана кIанзава». Абуру икI кхьин дуьшуьшдин кар туш. Алай вахтунда газет акъудун гзаф четин хьанва. Герек тир такьатар авач. Гьавиляй 2018-йисуз «Самурдин» анжах 10 нумра чапдай акъатна.
     Чи тIвар-ван авай алим, лезги чIалан чIехи женгчи Гьажибег Гьажибегова лагьанай: «Газетди халкьдин чIал хуьда, тарихар чирда, меслят гуда, руьгь кутада. Гьавиляй милли чIалал акъатзавай газетдиз гьар са касди куьмек гана кIанзава». Ша чна и гафарикай  хъсандиз фагьум ийин. Йиса садра 15 манат гана хайи газет кхьин тавурла чун гьихьтин лезгияр хьурай? Агат газетдив, играмибур! Адаз вирида сад хьиз куьмек це. Куьмек гайитIа, «Самур» мадни гзаф йисара ахкъатда.
 
«САМУР»
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Халкьдин шаир ЧIалаз кьецI гумир Чун гьикI муьтIуьгъарзавай? Вдали от Родины
Статьи из этой рубрики
С 20-летием, “Оки”! "Лезги газет" - 100 РикIелай тефир мярекат СтIал Сулейманан мярекатдиз ша! СтIал Сулейманаз икрамна
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ