Халкьдин шаир
Барка  |  1(327) 2019      
     Вичин къелемдални ва­тан­­­пе­­рес­вилелди, къени къи­лих­рални ин­сан­пе­рес­вилелди халкь­­дин патай чIе­хи гьуьрмет къа­­занмишнавай лез­гийрин тIвар-ван авай къелемэгьли Май­­ру­дин  Ба­бахановаз и йикъара «Да­гъус­тан­дин халкьдин шаир» гьуьр­­метдин тIвар ганва.
     Майрудин Ба­баханов поэзиядин лежбер, га­латун тийижир, иридра алцумна сад­ра кхьидай, гьар гафунив къай­гъударвилелди эгечIдай, хайи чилни хайи эл рикIин сидкьидай теснифдай, вичин камаллу цIараралди вири гьейранардай шаир я. Адан шиирри виридаз михьи ва уьтквем хьухь лугьуз эверзава. Ватандиз шиирралди къуллугъзавай адан хура чахмахри цIай кутазва. «Зи шиирар кIелрай анжах кьегьалри» лугьузвай шаирди четин тирла, кIевера акIайла садрани багъри ерияр негьнач, къулай чкайрихъ къекъуьн тавуна вичин ватанда кесибвална. Гьа идалди ада чи ватанэгьлийриз чешне къалурна. Гьа и карди адан шииррин тIямни артухарна.
     И дуьньяда четинвилер гзаф акуна шаирдиз. Гьавиляй ада кхьизва: «Заз дах чидач: зун аял яз, ам гъуьрче, кьвалак акатна, кечмиш хьана. Зи рикIел етим аялвал хъсандиз алама. Гена ризкьидикай дидеди чаз дарвал ганачир: ада пуд чкадал кIвалахзавай – экуьнахъ фермадал фидай, ахпа мектебар михьдай, гуьгъуьнлай колхоздин никIеризни экъечIдай. Ада ялай кьван парар санал эцигайтIа, абурухъ дуьньядин заланвални хьун мумкин я. Гьавиляй я жеди – зи вири дердерал зи дидедин тIвар ала». Ингье вичин дердерал дидедин тIвар алай шаирди вири четинвилериз дурум гана, вичин рехъ жагъурна.
     Майрудин Бабаханов 1958-йисан 20-октябрдиз Кьасумхуьруьн ра­йондин (гилан СтIал Сулейманан райондин) Пиперхуьре дидедиз хьана. Адан бубайрин ватан  Хъар­тасар я. Хуьр куьч хьайила абурун хизан Самур хуьре яшамиш хьана. Ина юкьван мектеб акьалтIарай М.Бабаханов Дагъустандин Гьу­ку­матдин Университетдин фило­логиядин факультетдик экечIна. Уни­верситет куьтягьай ада Хив райондин АрхитI хуьруьн юкьван мектебдин директорвиле кIвалахна. Ахпа ада СтIал Сулейманан райондин чир­вилерин идарадиз регьбервал га­на. Алай вахтунда ам райондин ме­дениятдин идарадин кьил я.
     Шаирдин «Муьгьуьббатдин куь­че», «Гъетери табдач», «Ракъинин сух­та» ктабар кIелзавайбуру хъсанд­из кьабулна. Адан шиирар мет­леблубур, фикирар дерин ва цIийибур я. Абурухъ гъавурда акьадай регьят чIал ава.
     Майрудин Бабаханов Дагъус­тандин комсомолдин премиядин лау­реат я. 
     «Самур» газетдин кол­лек­тив­ди Майрудин Бабаханов «Да­гъус­тандин халкьдин шаир» гьуьр­метдин тIвар къачунай рикIин сид­кьидай теб­рикзава ва адаз мадни чIехи агал­кьунар тIалабзава.
 
«САМУР»
 
Майрудин БАБАХАНОВ
 
ЯВШАНАР
                        X. Хаметовадиз
Явшанар, чуьлдавай явшанар,
Сад я чи са бязи лишанар:
Куьне хьиз, гьа зани зи чанда 
КIватIзава туькьуьлвал ватандин.
 
Ахпа чаз ийизва къаргъишар,
Ахпа чаз лугьузва, векъи я.
Явшанар, жемир куьн перишан,
Ам ватан кIан хьунин гьакъи я.
 
Куь кьисмет са акьван чIурузвач, 
Гьелекиз тахьурай гъамуни:
Эхь, чIижре квелай вирт къачузвач, 
Гузвач кьван гьуьлягъдиз агъуни.
 
Атирар таз маса цуьквериз,
Атирсуз хьунал куьн рази я.
Явшанар, рех яна цуьрцериз,
Куьн чилел къведайла кьуьзуь я.
 
Гадайри кIунчI кьаз куьн шадардач, 
Кутадач рушари чIарарик.
Эхирдай жеда куьн гадарна,
Руг михьдай кулар яз, кьурарик.
 
... Экъуьгърай къуй чпиз кIамай кьван, 
Мад чахъ вуч агь-къаргъиш галукьда: 
Ватандихъ туькьуьлвал амай кьван,
Чун гьакIни туькьуьл яз амукьда.
 
 
СУЛЕЙМАНАН ЧУЬНГУЬР
              Н.Капиевади Расул Гъамзатовав              
              хуьн патал С. Сулейманан чуьнгуьр     
              вуганай.
Расул Гьамзат, чуьнгуьр вахце 
Зав Сулейман бубадин:
Чи дерейра мад гьатнава 
Ван халкьарин сузадин.
 
Алаш-булаш девир хьанва, 
Гьахъни-дуван авачир.
Вегьез кьазва, кицI хьиз, ава,
КIуфал уьнуьг алачир.
 
Дерт къалуриз кIанзава заз 
Куьрединни Къубадин,
Расул Гьамзат, чуьнгуьр вахце 
Зав Сулейман бубадин.
 
Ам хурудал хкажда за,
Женгчи макьам къугьвада.
Адаз яб гуз, белки халкьдин 
Дерт са тIимил хъукьвада.
 
Адав сир гва гьар лезгидин 
ТIалдиз дарман-давадин.
Расул Гьамзат, чуьнгуьр вахце 
Зав Сулейман бубадин.
 
 
СОНЕТ
 
Вири чизва заз уьмуьрда жеривал:
Йисар фида - гад акъатиз хуькведа, 
Харжда жуван такIанвални кIанивал,
Гагь шехьда зун, гагь шад хьана хъуьреда.
 
Къарагъиз физ, мад чинихъди алукьда, 
Вири чизва заз уьмуьрда жеривал:
Са юкъуз захъ секиндаказ галукьда 
Виридалай чIехи азар - кьуьзуьвал.
 
Беден гьатда, чилина хьиз, биришра, 
КIвачерилай ихтибарда асадал.
Икьван гагьди агакьайди гьамиша,
Садра бирдан агакьдач зун пакадал.
Чизва, авач и дуьньяда цIийивал,
Вири жезва агъзур сефер хьайивал...
 
 
ДИДЕ TIA3BA
 
Зи югь – югъ туш,
Гьамни йиф я – 
Рагъ авай.
 
Зи хъвер – хъвер туш, 
Къагьар, шел я,
Вилерал кьван агакь тийиз, 
Куьтягь жезвай пIузаррал.
 
Зи рикI – рикI туш, 
Хьелдин кIвенкIв я 
Хуравай.
 
Бахтни – бахт туш,
Гьамни тахт я, 
Бахтсузвилин,
Хъижедай.
 
Зи чIарарни – чIарар туш, 
ЧIулав пехъ я,
Ацукьнавай зи кьилел...
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
“Самурдин” 27 йис хьанва ЧIалаз кьецI гумир Чун гьикI муьтIуьгъарзавай? Вдали от Родины
Статьи из этой рубрики
Аваз хьурай "Лезги газет"! Халкьдиз бахш авур уьмуьр Cедакъет Керимова - 60 «Сувар»у скоро 20 лет Чи барка
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ