Хабарар | 4(330) 2019
Чи республикадин меркез тир Баку къвердавай мадни гзаф абад жезва. Эхиримжи йисара кутунвай паркар, гъвечIи багълар, эцигнавай сад-садалай иер дараматар ва мсб. мисал яз къалуриз жеда.
Алай йисан 22-майдиз Азербайжан Республикадин Президент Илгьам Алиеван ва сад лагьай ханум Мегьрибан Алиевадин иштираквилелди Бакудин «Тезе пир» мискIиндин вилик цIийи гъвечIи багъ, гьакIни Физулидин тIварунихъ галай куьчедин яргъивилихъди туькIуьрнавай Меркездин парк кардик кутуна.
ЦIийи парк Австриядин машгьур архитектор Йенсом Хоффманан проектдин бинедаллаз кутунвайди я. И паркдихъ са кьетIенвал ава: ада яхди физвай инсанриз са манийвални авачиз Нариман Нариманован проспектдай Гьейдар Алиеван имаратдал фидай мумкинвал гузва. Са шумуд чкадал чилин кIаникай фидай рекьер туькIуьрнава. Паркда ял ягъун ва къугъун патал 7 майдан ава. Ина 9 фонтан кардик кутунва.
20 гектардин чилер кьазвай паркдин 14 гектар кьиляй-кьилди тарар, безекдин валар цана авадан авунва. Санлай ина 19 жуьредин 2100 тар, 137 агъзур валар ва цуьквер цанва. Паркда – Мирзагъа Алиеван тIварунихъ галай куьчединни «Тезе пир» мискIиндин арада 347 машин хуьдай чкани эцигнава.
Скачать PDF
Комментарии к статье
Будьте первым кто оставит комментарий к статье.Оставить комментарий