Хабарар | 4(330) 2019
КцIар районда къадим гуьмбетар гзаф ава. Ихьтин архитектурадин гуьмбетрик Хьилерин хуьруьн мискIинни акатзава. 1912-йисуз эцигна кардик кутур и мискIин акунрай Гьиндистандин машгьур Таж Магьалдиз ухшар я. И дарамат Азербайжандин архитектурадин гуьмбетрин сиягьда гьатнава.
МискIин хуьруьн кьакьан чкадал эцигнавай виридалайни чIехи дарамат я. Кьве гьавадин и мискIиндин къене пад лугьуз тежедай кьван иер нехишралди безетмишнава. Виликан вахтара адан кьвед лагьай гьавада дишегьлийри капI ийидай.
Алай вахтунда дараматдин цлар гуьнгуьна хтунва, ракIарни дакIарар дегишарнава. Ина крар давамарзава. Мукьвал вахтара и дарамат динэгьлияр патал капI-тIеат ийидай иер ибадатханадиз элкъведа.
КцIаривай 17 километр яргъа авай Хьилерин хуьр райондин виридалайни чIехи яшайишдин мескен я. Са береда и хуьр райондин меркез тир.
Скачать PDF
Комментарии к статье
Будьте первым кто оставит комментарий к статье.Оставить комментарий