"Самурдин мектеб" | 6(332) 2019
I. Существительнийрин ва чIалан маса паярин чкадин секинвилин IV, къакъатунин IV ва арачивилин III падежрин эхирра хъ гьарф кхьида, х кхьидач. Месела: гъил-гъилихъ, гъилихъай, гъилихъди; кIвал-кIвалихъ, кIвалихъай, кIвалихъди.
II. Къурулушдик -лугъ суффикс квай къуллугъ, пачагьлугъ ва сагълугъ гафар квачиз, амай вири дуьшуьшра существительнияр эхирда х аваз кхьида. Месела: буллух, къумлух ва мсб.
III. Актив падежда -уни, -уьни, -ини эхиррикай сад, гафунин дибда авай ачух сесинилай аслу яз кхьида. Дибда [а], [о], [у] сесерикай сад хьайитIа, -уни; [уь] сес хьайитIа, -уьни, амай вири дуьшуьшра -ини кхьида. Месела: кьал-кьалуни, куьк-куькуьни, мерт-мертини.
IV. Актив падеждиз -ци, -цIи, -чи, -чIи эхирар къведай гафарин талукь тир формайрани е, я гьарфар кхьида. Месела: тар-тарци, тарцел, тарцелди, тарцяй; чар-чарчи, чарче, чарчелди, чарчяй.
V. Гаф дегиш хьайила, са ачух тушир сес масадаз элкъвез хьайитIа, гьа эхиримжидан гьарф кхьида. Месела: раб-рапуни, рапар; цIиб-ципIер, ципIини; серг-серкер; гъед-гъетер-гъетрен ва мсб.
Скачать PDF
Комментарии к статье
Будьте первым кто оставит комментарий к статье.Оставить комментарий