"Самурдин мектеб" | 6(332) 2019
Дагъустандин кьакьан дагъларин кIане, Мацарин хуьре дидедиз хьайи, а девирдин виридалайни хъсан медресайрикай сад акьалтIарай Мазали Алидиз (1770-1820) лезги, араб, фарс ва туьрк чIаларалди савадлу жедай мумкинвал хьанай. Жегьилзамаз Къубадиз атай, яргъал йисара Хьилерин хуьре яшамиш хьайи шаирдиз хайи ватанни хайи халкь гзаф кIандай.
Шаирди ватандикай икI лагьанай: «Ватан паталди чан кун тавуртIа вун къван я. Гъурбатда ви рикIе гьижрандин хер тахьайтIа, вилерай иви тефейтIа, вун имансуз я. Ватандихъ ял тийизвайдан начагъвал дармансуз я».
Чи машгьур шаир Забит Ризванова (1926-1992) вичин «Весида» эдебиятдикай ва тарихдикай ихьтин гафар кхьенва: «Тарихни эдебият стхаяр я. Сада лагь лугьуда, муькуьда лугьуда. Тарихди чирда, эдебиятди чирвилер виридаз пайда… Тарих гуьзгуь я, адаз мукьвал-мукьвал килиг… Вичин тарих якъин ва дериндай чир тахьанмаз, лезги халкьдивай дуьньядин халкьарин жергейра барабар чка кьаз жедач».
Скачать PDF
Комментарии к статье
Будьте первым кто оставит комментарий к статье.Оставить комментарий