"Самурдин мектеб" | 10(336) 2019
Гафар дегиш хьайила са кьадар дуьшуьшра абурун дибра авай ачух сесер дегиш жеда.
Глаголарин дибра, гафар дегиш хьайила гьи ачух сес ван къвезватIа, гьадан гьарф кхьида. Месела: гун - гана, ксун - ксана, гъун - гъиз - гъана ва мсб.
Са слогдин существительнияр дегиш хьайила, абурун дибра авай ачух сесер я зайиф хьун, я михьиз квахьун мумкин я.
Эгер дибда авай ачух сес михьиз квахьиз хьайитIа, ам ачух гьарф авачиз кхьида. Месела: хак - хкар, карч - крчар, хьар-хьрар.
Эгер гаф дегиш хьайила, дибда авай ачух сес зайиф жез хьайитIа, дибда гьа авай ачух гьарф хуьда. Месела: кицI - кицIер, сикI - сикIер, тIуб - тIупар, кал - калер, кIвал - кIвалер, кац - кацер ва мсб.
Ихьтин бязи гафара, абур дегиш хьайила, дибда авай ачух е гьарфунин чкадал и гьарф кхьида. Месела: хеб - хипер, хел - хилер, хер - хирер ва мсб.
Са кьадар гафарин дибра, абур дегиш хьайилани, гьа виликдай авай гьарф кхьида. Месела: хев - хевер, цIегь - цIегьер, хъвер - хъверер.
Бязи дуьшуьшра гафар сад-садавай чара авун патал абурун дибра авай ачух гьарфар хвена кхьида. Месела: ник - никIер, чиг - чигер.
Скачать PDF
Комментарии к статье
Будьте первым кто оставит комментарий к статье.Оставить комментарий