Къайгъу чIугун кьегьалвал я
Чешне къачу!  |  3(340) 2020      
   Играми редакция! Куьне чи халкьдин хийирдихъ квай, чпин такьатралди лезги хуьрер абад ийизвай ксарикай кхьизвай макъалайри хайи чил кIани, жуввал хуьз алахъзавай гьар са инсандик руьгь кутазва. Дагъустан Республикадин СтIал Сулейманан районда халкьдин къайгъу чIугзавай Имам Яралиев, Асанбуба Нуьдуьрбегов, Марат Шайдаев, Зураб Шайдаев, Мамед Абасов, Разим Абасов хьтин чи вилик-кьилик квай ксари халкь паталди ийизвай хийирлу крарикай, абадвилерикай, эцигунрикай «Самурди» тIимил кхьенвач. РикI шадардай кIвалах ам я хьи, халкьдин хийирдихъ квай ксарин жергеяр къвердавай къалин, чпин такьатралди абадвилер тухузвайбурун гьерекат гужлу жезва. Заз икьван гагьди газетдин кIелдайбуруз чпикай хабар авачир бязи къайгъударрикай лугьуз кIанзава.
   Са шумуд йис инлай вилик зун Вини Къартасрин хуьряй са яшлу дишегьлидихъ галаз таниш хьанай. Са кьадар гафарна хуьруьн гьалар хабар кьурла ада шерзум хьана лагьанай:
   – Чи хуьруьн гьалар хъсанзавач, чан руш. 70 кIвал авай Къартасрин булахар кьуранва, хъвадай яд кьит хьанва.
    Дишегьлидин гафари зун къарсурнай. «Хъвадай яд авачиз кьил хуьз женни?»  - лугьуз фикирнай за. ГьикI ятIани и мукьвара а дишегьли мад зал дуьшуьш хьана. И гъилера адан чина гъамлувилин цифер ваъ, мили хъвер авай. Жува хабар кьадалди ада зи гардан кьуна лагьана:
   – Чан руш, чи крар туькIвена. Урусатда кIвалахзавай са лезгиди чаз гзаф пулар ракъурна. А пуларив чи хуьруьз дагъларай гунгарра аваз яд гъана. Жемятар динж хьана.
   – Ам вуж кас я? – жузуна за.
   Дишегьли хъуьрена:
   – Я чан руш, килиг садра, ам гьихьтин кьегьал кас ятIа. Садазни вичин тIвар чирзавач. Къедалди хуьруьз куьмек гузва ада.
   Гьа и делилди халкдин хийирдихъ квай инсанрикай кхьиз мажбурна зун. Сардархуьруьн карчи Сагьиб Алимован хийирлу крар рикIел хтана зи. Ада вичин такьатралди и хуьре гзаф иер аялрин бахча ва спорткомплекс эцигиз тунва. Хуьруьз гьар жуьредин куьмекар гузва, рекьер гуьнгуьна хутазва, кесибрин къайгъу чIугвазва.
   Зизик хуьряй тир Мурад Кемерова вичин такьатралди са шумуд километр яргъай хуьруьз гунгарра аваз хъвадай яд гъанва, хуьруьн рекьер гуьнгуьна хтунва. 
Шайдаеврин хизанди Цмур хуьр хъвадай цив таъминарнава. Санлай къачурла, СтIал Сулейманан райондин карчийри анжах хуьрериз хъвадай цин гунгарар тухун патал 3 миллион рублдилай гзаф пулар харжнава. Ина халкьдин крарихъ къуьн кутадай шумудни са хизанар арадиз атанва. Месела, Амираслановрин хизанди са миллионни вад виш агъзур рубль харжна Татархан хуьруьз газ гъанва, рекьер ва мектеб абад авунва, цIийи мискIин эцигнава. Балакеримоврин хизанди куьгьне Калининан тIварцIихъ галай совхозда дуьньядин стандартрив кьадай чIехи консервийрин завод эцигзава. Ина вишералди инсанриз кIвалахдай чкаяр жеда. Бабаеврин хизанди Агъа СтIал Къазмайрал 400 чкадин мектеб эцигзава. И кар патал абуру са шумуд миллион пулар харжда.
   Вуч хъсан я хьи, Кьиблепатан Дагъустандин лезги хуьрера ихьтин чIехи кIвалахар кьиле физва. Заз макъала гьазурдайла хийирлу крар кьилиз акъудзавай хизанрин кьилерин тIварар ачухдиз кхьиз кIан хьана. Ингье абурун тIалабун фикирда кьуна анжах фамилияр къалурна. Муькуь патахъай, тIварарив гвай вуч ава кьван, къуй халкьдин рикIяй физвай хъсан крар кьилиз акъатрай. Ихьтин руьгь кутадай гьерекат чи вири лезги районра, вири лезги хуьрера кьиле фирай. Халкьдин къайгъу чIугун кьегьалвал я.
 
Тамилла БЕКЕРОВА,
Дагъустан Республикадин
Дербент шегьер, муаллим

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Яран сувар атана... Руьгь начагъ тахьурай! Дидед чIал ватан я Мад рикӀе хвеш куькӀвена Vadir Əfəndi
Статьи из этой рубрики
Кьегьал Илмаран кьегьалвал ХЪСАН КIВАЛАХАР Жуван халкьдиз вафалу жен Дидедин фу
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ