Хъсан хабарар | 3(340) 2020
Алай йисуз Бакудин Гьейдар Алиеван тIварцIихъ галай имаратда Дагъустандин вири дуьньядиз сейли «Лезгинка» ансамблдин концерт кьиле фида. Ансамбль арадал атай 60 йисан юбилейдиз талукьарнавай концертда Дагъустандин халкьарин милли кьуьлерин цIийи композицияр къалурда.
Гьукуматдин ансамбль тир «Лезгинкади» вич кардик квай сифте йикъалай инихъ 100-елай гзаф уьлквейра концертар гана. Германияда, Белгияда, Францияда, Японияда, Британияда, Испанияда, Италияда, Америкадин Садхьанвай Штатра, Китайда, Мексикада, Австралияда, ЦIийи Зелландияда кьиле фейи концертрин вахтунда «Лезгинкадин» коллективдиз гьа уьлквейрин гьуьрметдин грамотаяр гана. Ансамблди 48 гъилера дуьньядин фестивалра сад лагьай чка кьуна.
Сердер МЕГЬАМЕДОВ,
Магьачкъала
Скачать PDF
Комментарии к статье
Будьте первым кто оставит комментарий к статье.Оставить комментарий