Чешне къачу! | 6(343) 2020
Дагъустандин СтIал Сулейманан районда дидедиз хьана алай вахтунда чпи Россиядин чара-чара шегьерра кIвалахзавай агьваллу ксари хайи хуьрерин къайгъу чIугуналди вири республикадиз чешне къалурзава. Абуру чпин хуьрера эцигзавай мектебри, сагъламвал хуьдай комплексри, ичтимаи дараматри ва маса эцигунри вири гьейранарзава. Эхиримжи йисара агьваллу ксари хайи райондин эцигунар ва абадвилер паталди 800 миллион манатдин такьатар серфнава.
Алатай йисуз вич асул Вини СтIал хуьряй тир Пирмегьамед Балакеримова ина аскеррин машгьурвилин обелиск эцигун кьетI авуна. Гьа са вахтунда ада и майдандин ва аялрин бахчадин патав гвай паркни абад авун къарардиз къачуна. Москва вилаятдай иниз безекдин тарарни къелемар гъиз туна. И крар кьилиз акъуддайла аялрин бахчани гуьнгуьна хтуна. Санлай вири и крар кьилиз акъудун паталди 7 миллион рубль харжна.
Алай йисуз меценат Пирмегьамед Балакеримова хуьруьн юкьван мектеб цIийи аваданлухрив таъминарна. Герек тир кьван столар, стулар, партаяр гъана. Мектебдиз девирдив кьадай цIийи доскаяр багъишна.
Хуьруьн кьил Селим Казимова лугьузвайвал, П.Балакеримова Вини СтIалрин инфраструктура вилик тухун паталди ватанэгьлийриз мукьувай куьмекар гузва. Ада ихьтин куьмекар давамар хъийида лагьана гаф ганва.
Закир БИДИРХАНОВ,
Дагъустан Республикадин
СтIал Сулейманан район
Скачать PDF
Комментарии к статье
Будьте первым кто оставит комментарий к статье.Оставить комментарий