Хабарар | 6(343) 2020
Къуба райондин къадим Хиналугъ хуьруьз гьуьлуьвай 1500-2500 метр кьакьанвиле авай чкайрай цIийи рехъ тухузва. И рекьин 1,2 километр кьван чка ЧIехи Къафкъаздин дагъларин 2625 метр кьакьанвиле авай хушдай тIуз фида. И кIвалахдихъ авсиятда гьа кьакьанриз герек тир вири техника акъуднава. ЦIийи рекьи гьам Хиналугъиз фин регьятарда, гьамни икьван гагьди садрани цан цанвачир чилерикай менфят къачудай мумкинвал гуда.
ЦIийи рехъ Алпан, Узунмеше, Герей, Сусай, Куркун хуьрерай тIуз тухузва. И хуьрера 8 агъзур агьалияр яшамиш жезва. И рехъди пар ялдай залан машинривайни физ жеда. Кьил акъуддай ксари лугьузвайвал, цIийи рехъ кардик кутурла гьуьлуьвай 2350 метр кьакьанвиле экIя хьанвай Хиналугъ хуьруьз къвезвай туристрин кьадар са шумудра пара жеда. Ина туристар патал цIийи маршрутарни кардик кутада.
Гьа са вахтунда исятда кардик квай Къуба-Испик-Хиналугъ рекьизни гуьзчивал ийизва. Машинрин гьерекатдиз манийвал гузвай татугайвилер техникадин куьмекдалди арадай акъудзава. ЦIийи рехъ 2021-йисуз кардик акатда.
Скачать PDF
Комментарии к статье
Оставить комментарий